Alfoz. 23 de febreiro de 2018.- O secretario de Organización e deputados no Parlamento de Galicia, Daniel Vega, e o deputado no Congreso, Jaime de Olano, proseguiron este venres en Alfoz a rolda de contactos con afiliados e simpatizantes da Mariña, co fin de pulsar a súa opinión e recoller as súas propostas para “fortalecer esta comarca, a través do noso traballo nas institucións ás que representamos”.
Os populares elexiron desta volta o municipio de Alfoz, pois é un dos municipios do interior da Mariña, no que a actividade agrícola e gandeira son os principais piares da súa economía, e que “poderían acadar un maior impulso se non fose porque o alcalde que ten leva durmindo nos laureis dende que tomou posesión do cargo. Estamos no ecuador do mandato e todos podemos comprobar isto que dicimos”, remarcaron.
Deste xeito, no transcurso do encontro, no que tamén participou o voceiro do PP neste municipio, Juan José Fraga, lamentaron a ausencia de políticas municipais que aposten pola diversificación da industria existente, de modo que xeren valor engadido á produción agrogandeira para que as explotacións e empresas sexan rendibles e máis competitivas. E é que, ademais do peso que tamén ten o sector da madeira neste municipio, o hortícola tampouco é menor, precisaron.
“A Mariña interior debe ser un referente nos produtos da horta galega, mágoa que o dirixente socialista non o vexa ou non o queira ver”. Por iso, engadiron, “quixemos escoitar aos nosos veciños. Ninguén mellor ca eles para explicarnos as súas necesidades. Agora, nós trasladarémolas aos departamentos correspondentes para paliar as eivas na xestión do Goberno local”, afirmaron.
Esta reunión enmárcase “no camiño” emprendido hai meses por ambos os dous deputados para “facer unha política porta a porta, baseada no contacto directo cos cidadáns”. “Cremos que só así podemos dar solucións. Estamos para traballar, para solucionar problemas, non para crealos, e entendemos que a mellor maneira de facelo é esta”, conclúen.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
