Foz 26-02-2018. O PSdeG-PSOE de Foz asistirá á manifestación convocada pola “Plataforma na Defensa da Sanidade Pública da Mariña” o xoves día 1 ás 20´00h en Burela.
Dende o PSOE de Foz animamos ao conxunto da sociedade, veciños e veciñas, asociacións e formacións políticas a secundar esta manifestación en defensa da sanidade publica e para reiterar a esixencia da retirada da modificación da Lei de Saúde que vai impor o goberno popular da Xunta, por que na defensa da sanidade pública temos que estar todos a unha.
Os socialistas sairemos as rúas tantas veces como sexa necesario para esixir que nos traten coma cidadáns de primeira, cunha sanidade de calidade e de proximidade, dotada de recursos humanos e materiais tanto na atención primaria nos centros de saúde, como na especializada no hospital da Costa, algo que na actualidade deixa moito que desexar, pois día tras día estanse derivando enfermos a centros privados da capital coa conseguinte perda de servizos na comarca.
Operacións que antes se facían no hospital da costa agora se derivan sistematicamente a Lugo ou Coruña. A implantación de marcapasos e cambios de pila dos mesmos a Lugo, operación de xeonllos a Lugo, prematuros a Lugo, cataratas a Lugo as operación de fimose en nenos á Coruña etc… Con estas derivacións ben ao HULA ben a clínicas privadas o principio básico de unha sanidade de proximidade na nosa comarca salta polos aires.
E se isto pasa na atención especializada o que pasa na atención primaria non é menos grave, poñendo como exemplo o centro de Saúde de Foz, o mais próximo a nós- explican os socialistas- podemos comprobar que non se cobren as baixas de facultativos nin de persoal sanitario, como hai esperas de días para ser atendidos polo medico de cabeceira, como se perdeu o servizo de urxencias de pola tarde, como a consulta de pediatría esta baixo mínimos por non cubrirse a redución de xornada que ten a pediatra tendo que ser derivados os nenos e nenas ben aos médicos de familia ou ao hospital, servizo dende o que incluso se están recollendo sinaturas para denunciar as carencias da pediatría a todos os niveis. Con estas carencias o principio básico de calidade, tamén salta polos aires ao igual que o de proximidade.
E diante deste panorama, onde esta o alcalde de Foz- preguntámonos dende o PSOE- ao lado dos seus veciños que padecen os recortes sanitarios, que se teñen que trasladar a mais de 100 Km das súas casas para recibir unha atención que poderían recibir no seu hospital, dende logo que non. O Sr Castiñeira é igual de responsable do desmantelamento que esta sufrindo a sanidade publica que o seu impulsor o Sr Feijóo, esta ó lado dos que votaron pola supresión da area sanitaria da mariña e están facendo da nosa saúde un nicho de negocio para as empresas privadas. De todas formas o Sr Castiñeira pode demostrar que nos equivocamos dicindo isto, teno fácil, que acompañe aos centos de veciños do noso pobo, e milleiros da comarca da Mariña que con toda seguridade va asistir a manifestación do día 1. Dende o PSOE de Foz emprazámolo a que o faga, que se deixe de desculpas como cando se perderon as urxencias pola tarde e el dicía que solo era unha fidelización da praza de facultativo pero que se seguirían atendendo igual as urxencias en horario de tarde e a día de hoxe todos sabemos que non é certo que si se necesita atención urxente hai que ir ao PAC de Burela, ou en que se esta ampliando o hospital, cando de todos é sabido que se amplían metros cadrados pero non servizos nin persoal. O día 1 quedará moi claro si defende a Sanidade Pública por riba de intereses partidistas poñéndose do lado dos seus veciños ou non- rematan dende o PSOE de Foz.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
