Foz, 26 de febreiro de 2018.- Alumnos do IES de Foz están a espera de coñecer o seu primeiro destino para realizar as prácticas do ciclo de Formación Profesional Dual que están cursando, logo de presentar as súas solicitudes para as que puideron optar entre doce posibles hoteis, nove españois e tres estranxeiros.
O delegado territorial da Xunta en Lugo, José Manuel Balseiro, visitou hoxe o centro para interesarse pola marcha deste ciclo pioneiro na provincia -só hai outros dous similares en Galicia-. Estivo acompañado do director, Nicolás Asensio, entre outros.
O dobre ciclo superior de Formación Profesional Dual en Dirección de Cociña e Dirección de Servizos de Restauración púxose en marcha no IES de Foz este curso en convenio con Arlea Hotels S.L.U, propietaria da cadea hoteleira Eurostars.
Nestes primeiros meses os alumnos recibiron formación teórica e práctica no centro, e dispóñense agora a afrontar o primeiro período de prácticas nas empresas da entidade colaboradora. Para elo, puideron optar entre exclusivos hoteis situados en Galicia (o Gran Hotel da Toxa, no Grove, e o Monumento Mosteiro de San Clodio, en Leiro), e tamén en Oviedo, Barcelona, Valencia, Alicante, Córdoba, Sevilla, as Illas Canarias, Lisboa, Porto e Roma.
As prácticas comezarán a partir do 15 de marzo e rematarán en setembro. A continuación, os alumnos e alumnas terán un mes de vacacións antes de incorporarse ao seguinte curso. O ciclo consta de tres anos de duración -en circunstancias normais as dúas titulacións suporían catro anos de estudos- e inclúe prácticas dende o primeiro curso. Durante esas prácticas, os estudantes teñen abonados os custos de desprazamento, aloxamento e manutención, así como unha beca de arredor de 500 euros mensuais.
Balseiro subliñou “a gran oportunidade que supón a formación profesional dual, que mellora notablemente a empregabilidade do alumnado ao adecuarse ás necesidades específicas que demandan as empresas”.
No IES de Foz estudan máis de 500 alumnos e alumnas, 148 deles nas ramas de hostalería (123 en réxime ordinario e 25 en adultos). É un centro moi dinámico que tamén participa en diferentes programas educativos; neste momento, un dos alumnos do dobre ciclo de FP dual está participando nun programa Erasmus Plus dun mes de duración en Italia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
