Viveiro 16-5-18. Entre o 28 de maio e o 3 de xuño, os hoteis OCA Puerto del Camino, de Santiago de Compostela, e OCA Palacio de la Llorea, de Xixón, celebrarán unhas xornadas gastronómicas dedicadas á merluza do pincho de Celeiro. Durante estes días, nos restaurantes destes establecementos hostaleiros ofreceranse distintos pratos que teñen como ingrediente principal a merluza do pincho de Celeiro, co fin de dar a coñecer este produto gastronómico e, consecuentemente, promocionando o turismo gastronómico e o noso concello.
As presentacións destas xornadas terán lugar ás 13:00 horas os días 23 de maio, no hotel OCA Puerto del Camino, en Santiago de Compostela, e o 24 de maio, no hotel OCA Palacio de la Llorea, en Xixón; a estes actos asistirán, en representación do Concello de Viveiro, a Alcaldesa e a Concelleira de Turismo e Comercio.
Nestas presentacións, nas que tamén estará presente Ramón Braña, Director Xeral de Oca Hoteles, está prevista a intervención da Alcaldesa e mais a proxección dun vídeo co que se pretende amosar aos medios de comunicación presentes e aos asistentes os recursos turísticos deste concello.
Estas xornadas gastronómicas, que son posibles grazas ás xestións realizadas pola Concelleira de Turismo e Comercio, María Soledad Rey Yáñez, forman parte das distintas accións levadas a cabo polo Concello de Viveiro nos últimos anos co fin de intensificar a promoción do noso municipio co fin de que se consolide como un destino turístico de calidade.
Dende o concello quérese agradecer publicamente a colaboración da empresa Puertos de Celeiro, SA, que doará a merluza que se servirá en ambos hoteis durante a celebración das xornadas, e mais ao Director Xeral de Oca Hoteles por acoller esta iniciativa tan positivamente e permitir a súa celebración.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
