Lugo, 16 de maio de 2018.- A Consellería de Medio Ambiente e Ordenación do Territorio vén de solicitarlle ao Estado, como administración competente en dominio público marítimo-terrestre, o peche ao público das covas, as furnas, os arcos e os corredores en túnel de As Catedrais co fin de garantir a seguridade das persoas que visiten este espazo. Así llo transmitiu a directora xeral de Patrimonio Natural, Ana Díaz, ao alcalde de Ribadeo, Fernando Suárez Barcia, e ao xefe do servizo provincial de Costas do Estado, José Miguel Estevan Dols, no transcurso dunha xuntanza celebrada esta mañá en Lugo.
A petición da Xunta baséase nas primeiras conclusións do estudo encargado á Fundación da Enxeñaría Civil de Galicia co obxectivo de analizar o estado xeolóxico e xeotécnico do monumento natural despois do accidente ocorrido no mes de marzo.
Segundo o informe preliminar e a raíz das visitas realizadas á praia polo equipo investigador, estímase que ao longo dunha parte importante da praia existe un risco, aínda non cuantificado, de caídas e desprendementos de bloques ou pedras de distintos tamaños, o que suporía un grave risco para a seguridade das persoas que estean nas proximidades. Este perigo de caída de material é maior en xeral baixo as furnas, as covas, os corredores e os arcos litorais, zonas que coinciden tamén coas de maior afluencia de visitantes.
Cómpre lembrar que o monumento natural de As Catedrais está na súa totalidade en terreos cualificados como dominio público marítimo-terrestre, cuxa titularidade correspóndelle ao Estado. Así, a Lei de Costas atribúelle á Administración estatal a protección do dominio público marítimo-terrestre a fin de asegurar tanto o mantemento da súa integridade como o seu uso público e os seus valores paisaxísticos, polo que tamén lle compete a adopción de calquera medida por motivos de seguridade das persoas nun espazo con esta cualificación.
Por este motivo e atendendo á distribución competencial entre administracións, desde a consellería decidiuse solicitar por carta ao Ministerio de Agricultura e Pesca, Alimentación e Medio Ambiente que proceda a pechar o acceso ás zonas da praia máis sensibles a posibles desprendementos, tal e como aconsellan os técnicos.
As conclusións sobre o estado actual de As Catedrais son aínda preliminares e haberá que esperar a que o estudo da Fundación da Enxeñaría Civil de Galicia estea máis avanzado para poder dispoñer dunha precisa caracterización xeolóxico-xeotécnica de todo o monumento natural. En todo caso e mentres non se dispoña do estudo definitivo, a Xunta considera que o máis axeitado é pedirlle ao Goberno do Estado a adopción das medidas oportunas para garantir a seguridade das persoas e entre elas, se procede, a prohibición do acceso ás covas, furnas, arcos litorais e corredores en túnel da praia de forma provisional.
Cómpre lembrar que as competencias da Xunta na praia de As Catedrais limítanse á protección do monumento natural desde un punto de vista ambiental e cun obxectivo conservacionista, co fin de preservar este espazo de posibles agresións e evitar o seu deterioro. Neste sentido, é o Estado, e máis concretamente o departamento competente en materia de costas, quen pode adoptar as medidas de policía preventiva necesarias para garantir a seguridade dos posibles visitantes; e de forma subsidiaria, o Concello de Ribadeo, como administración responsable en materia de seguridade pública.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
