Santiago de Compostela, 1 de xuño de 2018.- O conselleiro de Cultura, Educación e Ordenación Universitaria, Román Rodríguez; a alcaldesa de Mondoñedo, Elena Candia; e a directora de Recursos Humanos de ACCIONA Service, filial á que pertence EROM (Energías Renovables Operación & Mantenimiento), Raquel Ramírez; asinaron hoxe un convenio de colaboración para poñer en marcha o vindeiro curso o que será o segundo ciclo de FP Dual de Mondoñedo. Este proxecto, no grao superior en Enerxías Renovables, terá dous cursos de duración e desenvolverase en colaboración co CIFP As Mercedes (Lugo), centro especialista e de referencia na familia profesional de Enerxía e auga.
Ao abeiro deste convenio –a cuxa sinatura tamén asistiu o delegado territorial da Xunta en Lugo, José Manuel Balseiro–, o Concello de Mondoñedo comprométese a ceder unha nave que se empregará como espazo educativo, para o que será dotada pola empresa de todo o equipamento necesario. Pola súa parte, a empresa acollerá un mínimo de 15 alumnos e alumnas para este proxecto experimental de formación profesional dual.
Así mesmo, a empresa comprométese a financiar o proxecto a través dun sistema de bolsas. Así mesmo, os alumnos serán incorporados ao réxime xeral da Seguridade Social, e disporán dun mínimo de 30 días naturais de vacacións por curso
Ao longo dos dous cursos, o alumnado combinará a formación curricular no centro educativo coa complementaria que ofreza a compañía e estadías nas que realizarán actividade profesionalizadora nas instalacións de Energías Renovables Operación & Mantenimiento. Así, os estudantes formaranse no centro durante o primeiro trimestre de cada un dos cursos de duración do proxecto formativo, mentres que a estadía na empresa estenderase ao longo do segundo e o terceiro trimestre. Desta forma, do total das 2.000 horas das que se compón o ciclo, o 52 % serán de formación no centro e o 48% restante corresponderase coas que pasen na propia compañía.
Dentro da actividade de formación que se levará a cabo na empresa, os alumnos obterán a certificación formativa no estándar mundial de formación en enerxía eólica de Global Wind Organization (G.W.O.), tanto no módulo de seguridade laboral como na parte de mantemento eléctrico, mecánico e hidráulico, dado que a empresa conta con dúas escolas propias en Galicia. Esta certificación permite o recoñecemento das competencias adquiridas pola maioría das empresas presentes no mundo das enerxías renovables e supón un valor engadido ao módulo curricular.
EROM ubicou en Mondoñedo en 2011 o seu centro de operacións da zona noroeste de España onde se dá servizo a Galicia, Castela e León e Asturias para distintos propietarios de parques eólicos.
Unha oportunidade para a Mariña
Román Rodríguez sinalou a implantación deste proxecto de FP Dual como unha oportunidade para a Mariña, en concreto para a empregabilidade da mocidade, dado que o sector das enerxías renovables ten unha clara proxección de futuro. Neste sentido, agradeceu a Energías Renovables Operación & Mantenimiento a confianza depositada na FP galega e en concreto no CIFP As Mercedes, como centro de referencia na impartición das ensinanzas desta familia profesional e, polo tanto, formador de profesionais altamente cualificados neste ámbito.
Así mesmo, salientou o feito de que esta modalidade de formación profesional se estea a estender progresivamente na Mariña lucense. Non en balde, no presente curso o mindoniense IES Plurilingüe San Rosendo comezou a impartir FP Dual, en concreto cun proxecto no ciclo de grao medio en Aproveitamento e conservación do medio natural, en colaboración con 12 empresas e a Asociación Provincial de Empresarios de la Primera Transformación de la Madera de Lugo). Ademais, no curso 2017/18 implantouse no IES de Foz unha dobre titulación en Dirección de cociña e en Dirección de servizos de restauración, en colaboración con Arlea Hotels e púxose un marcha un proxecto no ciclo de grao medio de Electromecánica de maquinaria no CIFP Porta da Auga (Ribadeo, en colaboración con 7 empresas).
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
