Lugo, 12 de xuño de 2018. O Presidente da Deputación, Darío Campos Conde, e o Alcalde de Xove, José Demetrio Salgueiro, asinaron un protocolo mediante o cal o Goberno Provincial e o Concello se comprometen a mellorar conxuntamente as vías provinciais que discorren por dito municipio, para despois cederllas ao Concello. Campos Conde avanzou que “o procedemento que iniciamos ten como obxectivo mellorar a actual rede de vías provinciais no municipio de Xove e no futuro cedela ao Concello, posto que as estradas que a conforman supoñen arterias de comunicación esenciais para a vila e o seu arranxo permitirá mellorar a calidade de vida dos 3.300 veciños de Xove”.
Deste xeito, o Goberno da Deputación executará neste ano a reparación da LU-P-2601 de Xove ao Portiño de Morás na súa totalidade (5,5 quilómetros); e tamén rehabilitará 13,3 quilómetros da LU-P-2604 de Xove por Monte a Valcarría entre 2018 e 2019. Os traballos consistirán na renovación das vías coa limpeza de cunetas, mellora do firme con aglomerado en quente, e renovación da sinalización horizontal e vertical, incrementando a seguridade vial. Ademais na LU-P-2604 tratarase de mellorar tanto o seu ancho como o trazado de curvas perigosas.
O organismo provincial tamén se compromete a redactar e entregar ao Concello de Xove os proxectos de rehabilitación completa das estradas provinciais restantes, agás a LU-P-2603 e a LU-9-2610 que neste momento non precisan reparación posto que foron melloradas anteriormente, para que o municipio acometa con fondos propios as obras. Así mesmo, tramitarase a cesión da Deputación ao Concello de Xove das vías, co fin de proceder de xeito inmediato a dotar os fondos precisos por parte do municipio e licitar as obras restantes.
O protocolo asinado tamén prevé que, unha vez rematadas as obras de reparación por parte do organismo provincial na LU-P-2601e a LU-P-2604 lle sexan cedidas, ao igual que a LU-P-2603 e a LU-P-2610, ao Concello de Xove. Por outra parte, a Deputación fará unha achega ao Concello de Xove por importe equivalente ao custo que represente para o organismo provincial o desbroce da maleza nas vías provinciais neste municipio.
Cómpre sinalar que as estradas provinciais son as arterias viarias máis importantes de Xove, xa que ademais de dar acceso ás distintas parroquias do municipio, constitúen tamén os únicos accesos ás praias e outras zonas de costa, así como á planta de Pescanova, Portiño de Morás, Porto de Portocelo e empresas auxiliares de Alcoa. Isto supón que as estradas da Deputación en Xove soporten unha alta densidade de tráfico durante todo o ano, acentuada durante a época estival.
48 quilómetros de rede viaria provincial
O organismo provincial conta con 10 estradas dentro do termo municipal de Xove cun total de 47.931 metros de lonxitude. Estas son as seguintes: LU-P-2601 de Xove ao Portiño de Morás (5,5 quilómetros); LU-P-2602 do Portiño de Morás ao Prado do Cura (4,7 quilómetros); LU-P-2603 da CC 642 en Xove, por Chao de Aldea, ao de Xove ao Portiño de Morás (217 metros); LU-P-2604 de Xove, por Monte a Valcarría (13,3 quilómetros); LU-P-2605 da Tronca, por Vila, a Tarolo (3 quilómetros); LU-P-2606 de Xove a Rocha (1,5 quilómetros); LU-P-2607 de Cruceiro, por Portocelo, ao Camiño de Xove a Portiño de Morás (9,9 quilómetros); LU-P-2609 de Sumoas, a Toimil (2,5 quilómetros); LU-P-2610 de Vara, pola Praia de Esteiro a Area (4,4 quilómetros); LU-P-6606 de Augadoce, por Faro, a Fontao (2,5 quilómetros).
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
