Foz, 14 de xuño de 2018. A Delegación de Medio Rural do Concello de Foz organiza para este domingo, 17 de xuño, a feira anual de gando cabalar e vacún de A Espiñeira, na parroquia de Vilaronte. Haberá carreiras de cabalos con novidades nos premios e xuíces titulados, actuacións de grupos folclóricos e sesión vermú.
O concelleiro de Medio Rural en Foz, Pedro Fernández Manín, anuncia que “o vindeiro domingo, 17 de xuño, celébrase a tradicional feira anual de gando cabalar e vacún no barrio de A Espiñeira, na parroquia de Vilaronte”.
Fernández Manín lembra que “esta feira foi recuperada no ano 1998 por parte dos veciños e despois de vinte anos segue o Concello organizando esta feira. É un evento emblemático polo punto onde se celebra e é unha feira de toda a vida. Desde o Concello queremos apoiar a todos aqueles que nos acompañan este día. Na actualidade organiza o Concello de Foz, a través da Concellería de Medio Rural”.
Pedro Fernández engade que “a feira celébrase sempre o terceiro domingo do mes de xuño, o anterior ao San Xoán, patrón da parroquia de Vilaronte, que ten as súas festas nesta data, polo que a feira de gando é sempre antes dos festexos patronais da parroquia”.
O concelleiro salienta que “este ano cambiamos un pouco os premios para que a xente puidera acudir con máis ánimo. Haberá premios de 250 euros para o maior número de cabezas de gando cabalar, cun mínimo de cinco cabalos; de 250 euros para o maior número de cabezas de gando vacún, cun mínimo de cinco; e de 150 euros para a cabeza de gando máis destacada entre cabalar e vacún”.
Fernández Manín explica que “ás cinco da tarde teremos o típico concurso de andadura para carreiras de cabalos de menos de 1,50 e para carreiras de cabalos de máis de 1,50. O primeiro premio para cada unha das carreiras será de 200 euros e o segundo premio para cada unha delas será de 150 euros. Quero destacar que os xuíces das carreiras deste ano, como sempre había desconfianza, son titulados para as dúas carreiras e estarán co seu cronómetro electrónico e controlarán a andadura; nin sequera son do municipio de Foz”.
O edil comenta ademais que “no campo da festa, a carón da capela, estará instalado o bar Chelo, onde poderá degustarse pulpo, churrasco e lacón cocido. Para toda a xente que queira acompañarnos alí estaremos con gaitas da zona e logo a sesión vermú a cargo da famosa discoteca móbil Moraima. Estaremos encantados de estar con todos. Un forte saúdo a todos os veciños e parabéns ás da comisión de festas de Vilaronte, que empezan este ano e anímoas a que sigan facendo festas na parroquia, porque é a unión de todos os veciños”.
Este domingo celébrase na Espiñeira, en Vilaronte, a feira anual de gando cabalar e vacún que organiza o Concello de Foz. Este ano conta con importantes novidades nos premios e xuíces titulados
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
