Lugo, 15 de xuño de 2018. A Deputada de Cultura, Pilar García Porto; a Deputada de Economía e Alcaldesa de Trabada, Mayra García Bermúdez; o Alcalde de Vegadeo, Cesar Álvarez Fernández; e a Vicepresidenta da Asociación Eu son Eo, Hortensia Araujo; presentaron no Pazo de San Marcos a 3ª edición do Festival Interrexional Eu son Eo que terá lugar os días 29 e 30 de xuño na parroquia de Abres, no Concello de Vegadeo, con entrada totalmente de balde para os asistentes. O festival está organizado polos Concellos de Trabada e Vegadeo, que destinan conxuntamente 20.000 euros a esta cita, e conta co patrocinio principal do Goberno da Deputación cunha achega de 12.000 euros.
García Porto remarcou que “dende o Executivo traballamos para fomentar a cultura e idiosincrasia da nosa provincia e este festival é unha clara mostra, pois conxugará o mellor da nosa música, o noso medio rural, a artesanía e o deseño, a gastronomía e os produtos autóctonos, e como non, a envexable natureza da que dispoñemos, todo isto dunha forma sostible e respectuosa co medio ambiente. Estas características converten o Eu son Eo nun festival que, a pesares de estar arrincando, conta cun enorme potencial de crecemento”.
Pola súa parte, García Bermúdez subliñou que se trata “dunha importante cita para o Concello de Trabada, pero tamén para o conxunto da provincia, e especialmente para a Comarca da Mariña, pois preto dun milleiro de visitantes se achegarán a disfrutar dos nosos recursos naturais, culturais, gastronómicos e patrimoniais, aspectos que nos converten nunha zona única e diferente, un espazo excepcional para desenvolver actividades de todo tipo. Estou segura de que quenes se acheguen por primeira vez a coñecernos quedarán con ganas de volver en futuras edicións do festival”.
Eu son Eo
O festival naceu como unha iniciativa de i+D para a rexión que comprende a Reserva da Biosfera do Eo, Oscos e Terras de Burón, fomentando a relación e a cooperación entre estes territorios tanto no apartado cultural como no apartado económico.
Este ano o festival contará con máis dunha ducia de actividades culturais. As principais son as musicais, entre as que destaca o concerto da banda tributo We Love Queen, pero haberá tamén mostras de artesanía e unha feira que reunirá a preto de 15 artesáns da zona. Nesta edición, recuperase ademais a carreira popular Eu son Eo. Tamén inclúe actividades acuáticas, unha andaina, monólogos, foros, exposicións, e máis sorpresas para todos os públicos e adaptadas a todas as idades.
Programa
Venres 29
21:00 horas— Inicio do festival coa actución Dj´Eomúsica 80.
23:00 horas— Cañoneros. Banda tributo a la movida 80-90.
01:30 horas— DJ´Eomúsica 80
3:00 horas— Fin da xornada.
Sábado 30
11:00 a 19:00 horas— Actividades no río, piraguas e kayak. Gratis.
9.00 horas— Saída ruta, “Valles do Eo”.
11:00 horas— Apertura da mostra “La chalana” e “Artes de pesca”.
11:00 horas— Visualización de “Memorias del Eo”.
11:00 horas— Actividades acuáticas y paseos en bicicleta.
11:00 a 13:00 horas— Demostración de actividades de ferrería.
13:00 horas— Sesión musical DJ´s-Eomúsica 80.
15:00 horas— Comida
16:00 a 18:00 horas— Demostración actividades de ferrería.
17:00 horas— Foro “Eu rural”.
18:00 horas— Carreira popular EU SON EO.
19:30 horas— Entrega de premios carreira EU SON EO
20:00 horas— “El Chusco” monologuista.
21:00 horas— DJ´s-Eomúsica 80.
00:00 horas— We Love Queen (Tributo Show a Queen).
02:00 horas— Dj´s-Eomúsica 80.
03:00 horas— Fin do festival.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
