Viveiro, a 29 de xuño de 2018. O voceiro do Partido Popular de Viveiro, abaixo asinante, en nome propio e no do grupo municipal do PP, presenta ó Pleno, para o seu debate e aprobación se procede, a seguinte
Moción do PP de Viveiro para a modificación da ordenanza fiscal 21 reguladora do imposto de vehículos de tracción mecánica
EXPOSICIÓN DE MOTIVOS
O coidado do medio ambiente é unha realidade que ninguén discute e que todos consideramos moi necesaria, polo que a aposta do noso Concello ten que ser firme e decidida, potenciando todas aquelas medidas que vaian encamiñadas nesta dirección.
Neste sentido o poder dispor na actualidade de vehículos pouco contaminantes, como son os hibridos, os eléctricos ou mesmo os de gas e polo que dende o noso grupo estimamos oportuno apoiar fiscalmente a compra destes vehículos que sin dúbida contribuen a ter un concello máis sustentable e menos contaminado.
Revisando a ordenanza fiscal 21 que regula o IVTM, non encontramos unha soa referencia a este tipo de vehículos, polo que pensamos que é necesario introducir algún tipo de bonificación na mesma para incentivar que os nosos veciños se animen a mercar este tipo de vehículos máis respetuosos con noso entorno, tanto dende o punto de vista medioambiental, como incluso da contaminación acústica.
O longo de toda Galicia temos exemplos de Concellos que establecen esta bonificación para este tipo de vehículos, que nalgúns casos van dende o 50% ata o 75% de forma indefinida ou durante un período de tempo. Así na nosa provincia podemos comprobar como Lugo establece bonificacións do 50% durante cinco anos ou Monforte que establece o 50% para calquera vehículo a motor, que non consuma combustibles fósiles.
Por estes motivos e polo que propoñemos ó Pleno da Corporación a aprobación do seguinte acordo:
ACORDO
1) A modificación da ordenanza 21 reguladora do IVTM, para introducir a maior bonificación posible e de xeito indefinido, ós coches hibridos, electricos ou de gas pola súa baixa contaminación ambiental e acústica.
Antonio J. Bouza Rodil
Voceiro do Grupo Municipal do PP
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
