Viveiro, 27 de setembro de 2018.- A Consellería de Infraestruturas e Mobilidade acometerá diversas actuacións de mellora da seguridade viaria na estrada autonómica LU-102, que une a localidade de Celeiro coa cidade de Viveiro, ao seu paso pola zona coñecida como O Pirixel.
A iniciativa busca mellorar ou reforzar as características de seguridade viaria da estrada, de xeito que permita unha circulación o mais segura posible, nun tramo de grande concorrencia de tráfico, en especial durante os períodos de maior afluencia turística, xa que se emprega como percorrido alternativo á LU-862.
O delegado territorial da Xunta en Lugo, José Manuel Balseiro, acompañado por técnicos da Axencia Galega de Infraestruturas (AXI), presentou o catálogo de traballos que se prevén executar ao longo do próximo mes de outubro.
Descrición das actuacións
A primeira das actuacións propostas enmárcase nas obras de mellora do firme. Así, no treito non urbano está previsto mellorar as características superficiais do pavimento (textura e resistencia ao deslizamento) mediante a execución dun microaglomerado en frío que proporcionará unha gran adherencia neumático-pavimento .
Tamén está previsto incorporar resaltos termoplásticos sonoros nas marcas viarias que delimitan a calzada, que ademais de incrementar a visibilidade das mesmas, advirten de posibles saídas de vía aos conductores.
Asemade se instalarán na calzada dispositivos reductores da velocidade e bandas tranversais de alerta como medidas de “calmado do tráfico” co obxectivo de reducir as velocidades excesivas que se rexistran nesta vía.
Pola súa banda no treito urbano desta estrada, alí onde existen beirarrúas, está previsto rehabilitar o firme actual, co correspondente fresado e reposición das zonas deterioradas e disposición dunha nova capa de rodaxe.
Finalmente, tamén están previstas medidas de reforzo da sinalización horizontal e vertical, incluída a disposición sobre a calzada de varias advertencias do límite de velocidade permitida.
En resume todo un catálogo de medidas que busca evitar accidentes de tráfico, a súa periodicidade e gravidade, nunha vía na que a maior parte dos incidentes rexistrados están relacionados con excesos de velocidade, segundo explicou Balseiro.
Avda. Benito Galcerán
O delegado tamén avanzou que tratarán de executar os traballos de extensión da nova capa de rodadura de xeito complementario co desenvolvemento das obras de mellora que se acometen na avenida Benito Galcerán, actuación executada polo Concello pero financiada ao cen por cen pola Xunta de Galicia cunha axuda de 96.000 euros.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
