Unha semana máis, o xubilados concéntranse en Barreiros

Barreiros 5-10-18. Seguimos saindo á rúa igual que as compañeiras e os compañeiros pensionistas de Mondoñedo, de Lourenzá, de Ribadeo, de Foz… e n tantos outros concellos do país. Non imos parar coas concentracións, non imos parar coas mobilizacións, porque o que ofrece o Pacto de Toledo é unha ínfima parte do que solicitamos na nosa táboa reivindicativa, e non temos nada que celebrar de momento, excepto o acordo de revalorizar as pensións en función do IPC, ainda que temos que ter en conta que o que se vai conseguindo a marchas forzadas é froito destas mobilizacións e de tantas outras que hai polo país adiante.

Non pararemos tampouco de mobilizarnos mentras non se teña em conta a realidade econômica, social e demográfica de Galicia, pois somos a comunidade coas segundas pensións mais baixas do Estado.
E temos que seguir loitando tamén contra eses titulares de prensa que dicen que os gastos das pensións “disparáronse” no mes de agosto, porque a suba que houbo non foi tal, foi algo que nos estiveron roubando, porque nós non temos a culpa de que as pensións estiveran conxeladas desde 2012, e a suba desde o 1 de xaneiro de 2018 debería ter sido desde o 1 de xaneiro de 2013.

As pensións son un dereito, e non son ningún despilfarro para o Estado, porque diñeiro sí que hai, o que pasa é que se reparte moi mal, e o problema é que os critérios de reparto márcano a banca e as grandes corporacións financieiras que presionan aos gobernos. E contra eso é contra o que temos que loitar para poder manter o Sistema Público de Pensións.

Por eso hai que seguir defendendo esta táboa reivindicativa:

– derrogación das reformas laborais

– aprobación dunha nova lexislación laboral e social que restitúa os dereitos perdidos como consecuencia das reformas anteriores

– pensión mínima igual ao salario mínimo interprofesional

– recoñecemento do dereito á xubilación ordinaria aos 65 anos

– establecer a actualización anual das pensións en base ao IPC

– blindaxe do sistema público de pensións

– pensións dignas e con poder adquisitivo

Colectivo de Xubilad@s e Pensionistas de Barreiros