BURELA .- O Concello de Burela colaborará coa Asociación Pasada das Cabras para crear unha ruta de sendeirismo no municipio que terá 15 quilómetros de lonxitude, segundo anunciou no día de hoxe o alcalde, Alfredo Llano. O rexedor asegura que “nela imos tratar que se misturen un pouco as características do noso Concello, entón vamos pasear cara A Marosa para que se vexa o mar, subiremos cara o Monte Castelo para que se observe a montaña e despois baixaremos polo Cantiño e regresaremos ao punto de partida pasando por sitios singulares desde o punto de vista cultural e paisaxístico”.
Llano engade que “o que se trata é de promocionar o noso Concello en valores paisaxísticos e medio ambientais, culturais e turísticos. Desta maneira queremos promover este tipo de actividades que están collendo un grande auxe entre os aficionados da comarca”.
O alcalde burelés explica que “o Concello colocará un cartel moi vistoso na praia da Marosa, outro ao principio da ruta na Praza da Mariña ou na praia urbana… irán con información da ruta, con fotos dos lugares que se visitarán e tamén axudaremoslles a marcar con sinalización regulamentada o traxecto para que calquera que queira a poida facer sen perderse”. Alfredo Llano di que “este convenio con Pasada das Cabras é importante para o Concello de Burela. Eles están traballando na cartografía, na información e na fotografía e o Concello está encantado de colaborar con eles2
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
