A Mariña, 5 de novembro de 2018. A Mancomunidade de Municipios da Mariña recibirá unha subvención de 250.000 euros por parte da Xunta para o segundo plan integral de emprego, que foi solicitado hai unhas semanas por esta entidade. Con este proxecto recibirán formación 100 persoas das que 25 serán contratadas por empresas da zona durante un período de tres meses. Dez serán os concellos da Mancomunidade que participen neste programa. O presidente, Alfredo Llano, amosa a súa satisfacción pola concesión desta axuda e agarda que o plan se poida poñer en marcha canto antes.
Llano anunciou este mediodía que “nos foi confirmada a solicitude que tíñamos feito desde a Mancomunidade á Xunta de Galicia para un proxecto integrado de emprego. Recibimos a confirmación, a través da Consellería de Economía, Emprego e Industria, de que nos foron asignados 250.000 euros para levar adiante este programa”.
O presidente da Mancomunidade de Municipios da Mariña dixo que “esa axuda hai que dedicala á formación en diversos campos que xa están programados, van ser aqueles que nosoutros vexamos que serán bos para facer unha boa integración laboral no futuro de toda a xente que participa neste programa. Está pensado para 100 persoas das cales, unha vez rematado, temos que empregar a 25 ou 26 persoas, durante tres meses como mínimo”.
Alfredo Llano declarou que “como imos estar practicamente toda a Mancomunidade, hai dez concellos comprometidos xa, entendemos que pode ser labor fácil se temos en conta o programa que se fixo xa hai dous anos e que foi un éxito de participación e despois tamén de inserción laboral”.
Para O presidente da Mancomunidade “é unha boa noticia que a Mancomunidade poida disfrutar destes 250.000 euros para poder realizar a unha nova edición deste programa integral de emprego. Imos facer unha reunión inmediatamente para poñernos de acordo os concellos implicados, e así que isto bote a andar o antes posible”.
ÚLTIMA HORA
- Patrimonio Natural destaca en Ribadeo o compromiso coa accesibilidade nos espazos protexidos
- A Escola de Música de Burela acollerá unha clase maxistral de produción musical o 22 de setembro
- O PP esixe no Senado explicacións polo peche das oficinas do Distrito Marítimo de Ribadeo
- Máis de 60 ganderías de razas autóctonas en risco de erosión xenética recibirán axudas á recría do programa Morenas da Vicepresidencia da Deputación
- Os vindeiros 20 e 21 de outubro terá lugar en Xove a ITV de vehículos agrícolas. As inspeccións realizaranse no aparcadoiro do Centro de Saúde, diante do Cuartel da Garda Civil
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web www.sycitv.com, no apartado de Cita previa. - A alcaldesa de Vilalba, Marta Rouco, e a concelleira de Deportes, Paula Vigo, recibiron este venres no Concello á deportista vilalbesa Julia Cabarcos, logo de converterse na primeira galega en lograr unha praza para o Mr. Olympia de Las Vegas, unha das citas de maior prestixio internacional do culturismo
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique. - El Franco celebra ata o domingo a Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades. - Derradeira xornada de convivencia Ribadeo - Loktudi
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi. - María José Gómez asiste á ofrenda da Virxe dos Remedios
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo. - O director xeral de Familia, Infancia e Dinamización Demográfica, Jacobo Rey, asistiu este sábado en Burela á celebración do 25º aniversario do centro San Aníbal da entidade Rogacionistas, un exemplo de traballo e dedicación que os sitúa como unha referencia da protección da infancia e da adolescencia na provincia de Lugo
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
2021 Crónica 3 A Mariña - Implementado por GaliciaDigital