LUGO .- O delegado da Área de Cultura e Deportes da Deputación, o nacionalista Antonio Veiga, informou hoxe no transcurso da rolda de prensa posterior á Xunta de Goberno, fóra dos asuntos da orde do día, que a Deputación de Lugo, á vista das últimas comunicacións vertidas á prensa polos profesionais médicos do Hospital de Burela criticando o sistema de xestión única que a Consellería de Sanidade pretende implantar, defende, igual que o ratificou nun acordo de goberno en setembro, “que se manteña o mapa sanitario actual, respectando as áreas da Mariña e Monforte, para que os cidadáns destas comarcas non perdan servizos na súa zona”.
Antonio Veiga explicou que a raíz das noticias que se poden ver na prensa, “a contestación social a esta decisión da Consellería de Sanidade a respecto de concentrar as áreas sanitarias é cada vez maior e percíbese como o PP se está quedando só na defensa do seu modelo sanitario”. Veiga foi contundente ao remarcar que “desta volta, ao igual que se está vendo nas xuntanzas das plataformas na defensa dos servizos sanitarios en Burela e Monforte, foron os facultativos sanitarios do Hospital de Burela quen falaron, se cadra das voces máis acreditadas para falar do problema, e instaron nesa carta aberta á conselleira Pilar Farjas a que manteña o sistema de xestión sanitaria tal cal está por ser o que mellor acae ás necesidades dos usuarios das comarcas lucenses”.
Por iso, lembrando a postura adoptada polo goberno da Deputación en setembro, Veiga afirmou que “o goberno galego non se pode seguir con esta política de recorte de servizos públicos” e que “a conselleira de Sanidade debería explicar no Parlamento por que continua mantendo a súa posición a pesares da contestación social que recibiu desde o mesmo momento do anuncio da supresión das áreas sanitarias comarcais”.
Asuntos do día
Dentro dos asuntos do día da Xunta de Goberno, o delegado da Área de Cultura da Deputación deu conta da aprobación e concesión de subvencións a asociacións culturais e deportivas pola realización de actividades en 2008. En total, Antonio Veiga explicou que recibirán subvención correspondente ao 2008 sete asociacións culturais por un importe de 7.721,72 euros, e 21 asociacións e clubs deportivos por un importe de 48.967,67 euros.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
