LUGO .- O Presidente da Deputación, José Ramón Gómez Besteiro, e o Conselleiro de Presidencia, Alfonso Rueda Valenzuela, presidiron este venres o terceiro Pleno do Consorcio Provincial de Bombeiros no que quedou aprobado o Orzamento para 2010 que ascende a preto de 2 millóns de euros. Gómez Besteiro e Rueda Valenzuela destacaron “a boa disposición e a voluntade decidida” de ambas as dúas administracións durante esta primeira reunión, e anunciaron que no mes de marzo o Consorcio voltará a reunirse “para perfilar a posta en marcha dos 5 parques de bombeiros”.
O titular do organismo provincial destacou que “o obxetivo do Pleno foi aprobar o Orzamento para que a entidade funcione ben durante o 2010”, e explicou que o Presuposto, preto de 2 millóns, “está dirixido ó funcionamento, á mellora, e á dotación de equipamento, é dicir, de mobiliario, e non de máquinas xa que están todas mercadas”. Da mesma forma, o Conselleiro salientou que “este é un día histórico porque poñemos en marcha todo o proceso para que os parques de bombeiros, e a cobertura profesional contra incendios, empecen a ser unha realidade no periodo de 2010-2011”. Durante este ano abriranse as instalacións contra incendios de Barreiros, Chantada, e Sarria, quedando para o 2011 o de Vilalba, cuxas obras estarán rematadas en maio, -e mesmo podería estar aberto este ano-, e o de Viveiro, cuxas obras serán adxudicadas pola Xunta a semana que vén.
Parques de Monforte e Lugo
Na reunión participaron ademáis do Presidente da Deputación e o Conselleiro de Presidencia, a Delegada territorial da Xunta en Lugo, Raquel Arias; o Director Xeral de Emerxencias e Interior da Consellería de Presidencia, Santiago Villanueva; o Subdirector Xeral de Seguridade e Coordinación do mesmo departamento, José Antonio Fernandez López; o Vicepresidente Primeiro da Deputación, Antón Bao; o Deputado da Rede Viaria Provincial, Juan José Díaz Valiño; o Alcalde de Barreiros, José Alfonso Fuente; o Alcalde de Chantada, Manuel Taboada; o Alcalde de Sarria, Claudio López Garrido; o Alcalde de Vilalba, Gerardo Criado; e o Alcalde de Viveiro, Melchor Roel. Como deferencia, tamén estivo presente o rexidor de Monforte de Lemos, Severino Rodríguez, malia que sin voz nin voto xa que non é membro da entidade.
Precisamente, o Consorcio decidiu que a semana que vén, técnicos da Deputación e da Xunta acudirán ó parque da cidade monfortina para fiscalizar in situ as instalación do parque, e comprobar se é susceptible de ser utilizado polo Consorcio. Gómez Besteiro incidiu en que “trátase de absorber as instalacións, non o persoal, e facer unha implantación en pro da comarcalización con persoal novo xa que o Consorcio ten que operar de forma única e sen excepcións”. Da mesma forma, ó respecto do parque de bombeiros de Lugo, constituirase unha comisión entre a Deputación, a Xunta, e o Concello, para buscar as formulas xurídicas que permitan a comarcalización na área da capital, xa que “o despregue do Consorcio quere dar cobertura a esa zona da provincia”, salientou.
Neste senso, o Conselleiro de Presidencia incidiu en que “o Consorcio de bombeiros é unha forma de colaboración efectiva que non entende de cores políticas. A nosa intención é que os 5 parques, xunto o de Monforte, cubran a provincia”. Ó respecto, o Presidente da Deputación remarcou que “temos vontade decidida a solucionar os problemas dos veciños da provincia, e o Consorcio é un exemplo palpable de que as cousas van polo bo camiño”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
