Lugo, 20 de novembro, 2018. O Grupo Provincial do PP condicionará o apoio aos Orzamentos da Deputación de Lugo para o 2019 a que inclúan as partidas solicitadas nos acordos plenarios que se foron aprobando ao longo deste ano a iniciativa dos populares. En concreto, o PP fará especial fincapé en que exista a contía necesaria para a xestión de todas as residencias xa rematadas, sobre todo, a apertura do centro de maiores de Castroverde e para que a Deputación de Lugo subvencione a Residencia de Maiores de Sarria e Palas de Rei.
Así, en abril deste ano o PP conseguiu sacar adiante unha proposta que obriga á Deputación a implicarse coas residencias de titularidade municipal e de xestión pública. En concreto, os populares aprobaron que a Deputación de Lugo subvencione á Residencia de Maiores de Sarria e a todos os centros de titularidade municipal da provincia de Lugo de atención a persoas maiores sempre e cando os Plenos dos concellos así o ratifiquen para salvagardar a autonomía local, ao mesmo tempo e exactamente coas mesmas contías que ao resto de residencias e centros de día construídos pola Deputación por convenios cos concellos.
“Priorizamos os intereses da provincia e as súas necesidades e imos ser coherentes no que viñemos defendendo todo este tempo, polo que non podemos renunciar aos acordos que xa se teñen tomado en sede plenaria, e, polo tanto, para os que existe un compromiso da Deputación de Lugo”, indican. “A inclusión deses acordos nos Orzamentos condicionarán o noso apoio”, matizan.
Responsabilidade e coherencia
Os populares sinalan que a súa postura manterá a “responsabilidade e coherencia” que os caracteriza na súa labor como o grupo maioritario da oposición ao tempo que lamentan que o Goberno do PSOE, a pesar de estar en minoría, presentara os Orzamentos á prensa sen terllos entregado previamente aos Grupos que conforman a Corporación Provincial. “É por iso que aínda non podemos facer unha análise máis pormenorizada, porque non temos o borrador das contas, pero si fixar as liñas vermellas que non imos permitir cruzar”, expoñen.
“Un exercicio de deslealdade”
Desde o PP consideran “un exercicio de deslealdade” que a documentación aínda non fora entregada aos Grupos da oposición, pese a que lle foi presentada á prensa. “Están nun Goberno en minoría e non nos entregan a documentación, cando saben que o apoio do resto dos Grupos vai ser imprescindible para aprobar as contas”, explican.
Os populares cren que unha vez máis os asesores do presidente o intenten conducir ao fracaso, posto que presume de buscar o consenso “só de boquilla”, pero os seus xestos demostran que só buscan o enfrontamento “cando queda só unha semana para o Pleno no que se debaterán os Orzamentos e os Grupos da oposición aínda non teñen copia do documento, que xa coñece a prensa”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
