Burela 24-11-18. O Pescados Rubén Burela FS ofreceu dominio, posesión e ocasións ante o Majadahonda FS (3-1) aínda que cumprir coa novena vitoria e manter o pleno triunfal custoulle algo máis do esperado fronte a un rival que estivo en todo momento no partido grazas a unha boa defensa e sobre todo á gran intervención de Helen baixo paus.
O primeiro perigo recibiuno Jozi na rede local ante Andrea cun oportuno pé da brasileira, xa no minuto 2. Respondeu Dany, en galopada, tan só un minuto despois e a Jenny, no 6, fóiselle demasiado alto asistida por Lara Balseiro. Aos poucos foi en aumento a presión das laranxas sen tregua, Cilene fixo tremer as filas madrileñas no 10 e o 12. Con cinco minutos para o descanso, foi precisamente a 6 do Pescados Rubén a que vestiu a camiseta de porteira xogadora para abrir o luminoso. Aos 30 segundos Lara tívoa, cun atento despexe de Helen por arriba. Quedaban 43 segundos e chegou o merecido gol das galegas, nunha falta transformada maxistralmente por Cilene.
Dany e Jenny protagonizaron as primeiras tentativas ao regreso nunha segunda parte que co paso dos minutos converteuse en certas idas e vidas por momentos. Dany, a máis incisiva sobre a rede madrileña, puido por fin ampliar distancias no 32, finalizando unha transición rápida; a brasileira xa puxera a proba a Helen no 27 e 30. As de Raquel Mondoruza buscaron o gol con xogo de cinco no 37. As visitantes conseguiron reducir no 38 nun penalti transformado por Coral; a 17 madrileña volveu facer perigar a rede de Jozi no 39. Sobre a bucina Peque, nunha tarde excelente, subiu o definitivo 3-1 a porta baleira.
Ficha técnica
Pescados Rubén Burela FS: Jozi, Dany, Cristina, Cilene, Peque, cinco inicial; tamén xogaron Lara Balseiro, Cami, Jenny, Alves
Majadahonda FS: Helen, Sheilita, Ele Mateo, Coral, Andrea, cinco inicial tamén xogaron Marta Mateo, Jess, Yai, Chili, Anita, Moni
Goles: 1-0, minuto 20, Cilene; 2-0, minuto 32, Dany; 2-1, minuto 38, Coral (penalti); 3-1, minuto 40, Peque.
Árbitros: Corral Martínez // Vieito Regueira (Galicia). Por Burela amarela a Cilene (minuto 38), Dany. Por Majadahonda amarela a Sheilita (minuto 10), Coral (minuto 40).
Incidencias: Partido correspondente á xornada 9 de Primeira RFEF Liga Foro 16 Feminismo disputado en Vista Alegre ante unhas 500 persoas. Pescados Rubén e Majadahonda FS saltaron ao parqué para xogar Contra as Violencias de Xénero coa pancarta de Burela en Negro.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
