Lugo, 25 de novembro de 2018. O voceiro do BNG na Deputación, Xosé Ferreiro, deu conta da presentación dunha serie de emendas aos orzamentos da Deputación. Ferreiro sinalou “o curto espazo de tempo que o goberno provincial nos facilitou para a presentación das emendas” e lembrou que “a penas tivemos unha fin de semana para presentar as nosas propostas despois de que se nos entregara a proposta de orzamentos presentada polo goberno”.
Ferreiro explicou que “a maior parte das emendas que presentamos recollen partidas que xa foran comprometidas polo goberno e non foron adxudicadas ou ben corresponden a iniciativas plenarias que foron aprobadas pero nunca executadas”. O voceiro do BNG puxo como exemplo a partida de 1,5 millóns de euros para continuar as obras da estrada entre Navia e Fonsagrada “esta obra é unha débeda histórica da Deputación coa montaña de Lugo por que leva décadas planificada e aínda non se rematou”.
Entre as emendas do BNG figuran partidas para completar o finanzamento das escolas de música e conservatorios da provincia. Ademais tamén se destinan fondos para o fucinamento da Residencia de maiores de Sarria, a este respecto Ferreiro sinalou “sería discriminatorio que estar Residencia de xestión municipal non recibise ningún fondo mentres que a Deputación está destinando cantidades millonarias a instalacións similares noutros concellos”. En canto a infraestruturas destacan as partidas para a estrada Navia-Fonsagrada, o pavillón polideportivo de Burela, a restauración da casa natal de Díaz Castro en Guitiriz e a creación dunha senda verde entre a Campiña e o Paseo do Rato en Lugo.
Remanentes baixo o control do Pleno
O voceiro do BNG incidiu en que “calquera investimento, sexan obras, servizos ou de calquera outra natureza, financiado cos remanentes de tesourería do ano 2018 terá que estar perfectamente concretado e especificado así como aprobado polo Pleno” e explicou “a Deputación non pode permitirse máis repartos arbitrarios de cartos, foi o BNG que promoveu o Plan Único que permite máis autonomia aos concellos e imos seguir traballando para evitar as arbitrariedades”. Ferreiro sinalou que “presentamos emendas ás bases de execución para que esta filosofía de reparto de fondos se extenda, tamén ás subvencións e ás modificacións de crédito”.
EMENDAS DO BNG AOS ORZAMENTOS DA DEPUTACIÓN
Bloque número 1:
Emendas para financiar acordos do Pleno ou proxectos que o BNG ía levar nos próximos meses ao pleno:
EMENDA
ORZAMENTO 2019
Observacións
1.
Continuación das obras da estrada de Navia – A Fonsagrada
1.500.000 €
1.500.000 para o orzamento do 2020)
2.
Senda verde ata a Campiña e nacemento do Rato
250.000 €
(250.000para o orzamento do 2020)
3.
Subvención á residencia de Sarria
300.000 €
4.
Axuda á Asociación Músico Crisanto
+ 42.000 €
(Sería un incremento. Xa están previstos18.000 €)
5.
Aumento da aportación aos conservatorios
+ 30.000 €
(Sería un incremento. Xa están previstos 45.000 €)
6.
Liña de axudas ás escolas de músicas municipais
100.000 €
7.
Liña de axudas ás ANPAs da provincia
100.000 €
8.
Programa de acceso de todas as nenas e nenos en idade escolar da provincia de Lugo ás piscinas climatizadas existentes na provincia.
70.000 €
9.
Recuperación da axuda ás pandeiras do Piornedo
4.000 €
10.
Instauración dunha liña de axudas aos concellos que elaboren un plan de conciliación da vida familiar e laboral fóra do horario escolar.
150.000 €
11.
Financiamento por parte da deputación da parte que lle corresponda para a construción dun novo pavillón de deportes en Burela.
Estase a calcular o que se necesitaría para o primeiro ano
12.
Restauración da casa natal de Díaz Castro
100.000 €
(500.000 € para o orzamento do 2020)
TOTAL:
2.646.000 €
Bloque número 2:
Emendas para un reparto obxectivo dos fondos da Deputación, incluídos os remanentes de tesourería:
1.
Base de execución: Calquera investimento, sexan obras ou servizosou de calquera outra natureza, financiado cos remanentes de tesourería do ano 2018 terá que estar perfectamente concretado e especificado así como aprobado polo Pleno.
Todos os remanentes de tesourería que non se invistan por esta vía ou estean comprometidos por este orzamentos, serán destinados a incrementar o Plan Único para os Concellos ou, se este estivera xa aprobado, repartiranse para todos os concellos polo mesmos criterios
2.
Base de execución:Todas as subvencións que non estean incluídas nas nominativas destes orzamentos terán que ser aprobadas polo Pleno
3.
Base de execución:Calquera modificación de crédito que se faga nestes orzamentos terá que ser aprobada polo pleno, sexa cal sexa o seu importe
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).