Dende hoxe e ata o 31 de outubro, o restaurante A Dorada do Cantábrico de Ribadeo organiza a quincena do marisco . O prezo das racións preparadas á prancha de navallas, gambón, lagostinos, c... Ler máis
ÚLTIMA HORA
- Barreiros impulsa un curso para favorecer a inserción laboral de persoas con discapacidade
- Denunciado un taxista en Lourenzá por exceso de velocidade e transporte ilegal dun peregrino
- A Deputación comeza as obras para mellorar tres estradas en Meira con máis de 220.000€
- Continúan as obras de mellora e conservación da piscina municipal de Viveiro
- 'Preto de ti' segue achegando ás parroquias ribadenses máis actividades para ás veciñas e os veciños
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”. - Ortigueira rexistrou unha moi boa acollida nas actividades municipais de dinamización sociocomunitaria, que contan neste curso con case 500 persoas inscritas
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”. - A estrada provincial LU-P-6103, de Trabada a Barreiros por Fórneas, sufre o corte dun carril -á altura do punto quilométrico 3,5- debido ao comezo dos traballos para estabilizar un talude
O tráfico estará regulado por semáforos e está previsto que este venres rematen as obras. - O Casino de Navia acolleu este luns a entrega de premios do XVI Concurso de Pinchos e Tapas de Autor, que pecha esta edición cun récord de máis de 15.000 pinchos servidos
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico. - Gabriel Vilar Longarela, do Valadouro, gaña en Santiago o XXII Trofeo Especial ao Mellor Cóctel con Augardentes e Licores Tradicionais de Galicia
Fixoo no marco do Campionato Galego de Coctelería celebrado no Hostal dos Reis Católicos. - Trinta peregrinos de Barreiros completaron o pasado sábado a etapa O Cebreiro–Triacastela do Camiño Francés, dentro do programa anual da Asociación Camiñantes e Camiños, que percorre a ruta en oito etapas ao longo de 2026
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25. - Este domingo ao mediodía congregáronse numerosos veciños do Alfoz do Castrodouro ante o castelo, emblema municipal da localidade. O motivo foi a celebración pola restauración do nome lexítimo do Concello, que despois de catro décadas deturpado recupera a oficialidade
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
2021 Crónica 3 A Mariña - Implementado por GaliciaDigital