Burela 2-1-19. A Familia Laranxa do Pescados Rubén Burela FS estrea o Ano Novo cuns horizontes de soño, un 2019 moi prometedor, repleto de ilusións e xa de novo coas pilas cargadas para a vo... Ler máis
ÚLTIMA HORA
- Iria Folgado lidera en Foz unha das propostas máis singulares da 13ª edición do Bal y Gay
- O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro ‘Espiritualidad’, coordinado e redactado por Pepe Peinó e no que colaboran outros sete autores de distintas correntes espirituais
- Os ocupantes dun turismo necesitan axuda para saír tras sufrir un accidente en Barreiros
- A Marosa acollerá o Iberdrola Surfing Day Burela o 12 de setembro
- O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro 'Espiritualidad', coordinado e redactado por Pepe Peinó e no que colaboran outros sete autores de distintas correntes espirituais
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto. - Os ocupantes dun turismo necesitan axuda para saír tras sufrir un accidente en Barreiros
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa. - Preto de sesenta persoas da Mariña nadas en 1976 reuníronse este sábado, 15 de agosto, nun xantar en La Urbana, en Burela
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto. - Noite máxica na Igrexa de Ribadeo cun concerto sobresaínte ofrecido polo pianista Guillermo Cruzado
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público. - O delegado territorial da Xunta en Lugo, Alfonso Villares, participou este venres na entrega de premios da XXXVI Semana Náutica de Ribadeo, que organiza o Real Club Náutico da localidade e conta co apoio do Goberno galego
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades. - Os veciños de Xunqueira reuniránse o luns 17 de agosto ás 19:30 horas na Antiga Escola do barrio para abordar a situación creada pola obra de rexeneración do río, que mantén a zona semiocupada desde o desastre ocorrido hai sete anos.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo. - A Plataforma pola Paz da Mariña de Lugo e o Occidente Astur convoca para o domingo 23 de agosto en Ribadeo unha manifestación pola paz
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
2021 Crónica 3 A Mariña - Implementado por GaliciaDigital