SANTIAGO .- A Consellería de Sanidade vén de enviar unha carta ao Goberno, a través da súa Delegación en Galicia, na que lle solicita información sobre a posible utilización onte do heliporto do Hospital da Costa (Burela) por membros do Executivo do Goberno de España sen que existira a correspondente comunicación de solicitude, nin a necesaria autorización da Xerencia do Hospital, nin mediara ningunha comunicación ao xefe da Garda deste hospital.
Dende o Servizo Galego de Saúde tense demandado á Xerencia do centro un informe pormenorizado do acontecido, se ben xa se ten verificado que non existiu notificación nin solicitude de utilización da instalación. Segundo informou o hospital, a aeronave permaneceu aterrada durante varias horas da tarde de onte no heliporto do centro, o que supuxo o bloqueo desta instalación para o uso preferente ao que está destinada.
O heliporto do Hospital de Burela forma parte da rede de emerxencias sanitarias de Galicia, polo que o seu uso está concibido para dar servizo sanitario e de emerxencias, e a súa xestión debe estar supeditada á operatividade do 061. Calquera necesidade circunstancial que poida xurdir debe respectar estes criterios, ser comunicada con antelación e recibir o permiso correspondente.
Este é o motivo de que a Consellería de Sanidade, a través da presidencia do Sergas, se teña dirixido á Delegación do Goberno para, en aras da colaboración institucional que sempre debe prevalecer nas relacións entre Estado e Comunidade Autónoma, demandar información sobre as circunstancias e os feitos acontecidos e reclamar a adopción de medidas que eviten nun futuro a alteración do funcionamento dos servizos de emerxencia sanitaria.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
