Xove, 10 de xullo de 2019.- A subdelegada do Goberno, Isabel Rodríguez, supervisou hoxe a marcha das obras que leva a cabo o Ministerio para a Transición Ecolóxica de acondicionamento do contorno do Portiño de Morás, no concello de Xove. Acompañaron á subdelegada nesta visita o alcalde de Xove, José Demetrio Salgueiro, e o xefe provincial de Costas, José Miguel Estevan.
Isabel Rodríguez informou de que os traballos deste proxecto que desenvolve o Goberno para a recuperación ambiental da zona entran na súa fase final e agárdase que estean rematadas no mes de agosto. Concretamente, os labores pendentes consisten na instalación dunhas varandas, a colocación de cartelería explicativa da actuación e tamén se vai botar terra vexetal para sementar céspede.
A subdelegada lembrou que o Ministerio para a Transición Ecolóxica desenvolve este proyecto coa finalidade de recuperar para o uso e disfrute de todos os veciños e visitantes unha zona de gran singularidade paisaxística e histórica do concello de Xove.
O proxecto de recuperación ambiental tamén se aproveita para lembrar o importante pasado industrial da zona, pois aquí desenvolvéronse actividades relacionadas coa caza e comercialización de baleas e tamén foi o lugar no que se fabricaron os dolos, as grandes pezas de formigón que se empregaron, ensamblándoas unhas a outras, para a construción dos espigóns do porto de Alcoa.
Precisamente, unha das actuacións máis chamativas deste proxecto consistiu na recuperación de 8 dos numerosos dolos que foran abandonados, no seu día, nas inmediacións. Quedaron instalados, a modo de recordatorio, na mesma zona na que, por aquel entón, se fabricaban estas pezas. Esta foi unha das actuacións máis complicadas do proxecto xa que as 53 toneladas de peso de cada un dos dolos obrigou, para poder mobilizalos, a contar con dúas grúas móbiles autopropulsadas de gran tonelaxe, de 130 toneladas cada unha, ademais dunha cabeza tractora con plataforma.
Este proxecto medioambiental e etnográfico inclúe, tamén, outras actuacións como a creación dun paseo peonil, o soterramento de todo o cableado de electricidade e telefonía e o acondicionamento do acceso á praia. O paseo peonil, de madeira e dotado con mobiliario urbano, aproveita o antigo trazado da estrada, que foi desprazado cara o interior para alonxar o tráfico rodado da zona máis próxima á costa.
O Ministerio para a Transición Ecolóxica desenvolve este proxecto a través da Dirección Xeral de Sostenibilidade da Costa e do Mar. Para facelo posible, o Ministerio está a facer un investimento de 360.000 euros. As obras comezaron en decembro pasado e a execución foille encomendada á empresa pública Tragsa.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.