13 de Novembro de 2019

Correo | Favoritos  | Imprimir   

O Grupo Municipal Popular de Viveiro traslada ao Goberno local as queixas de veciños e visitantes ante a inactividade da OMIC

13-08-19

 Viveiro, 13 de agosto, 2019. O Grupo Municipal do Partido Popular de Viveiro traslada ao Goberno local diversas preguntas sobre o funcionamento da Oficina Municipal de Información ao Consumidor (OMIC) tras recibir numerosas queixas por parte dos veciños e visitantes que lamentan a súa inactividade.

Os populares explican que “a OMIC leva moito tempo desatendida por falta de persoal” e esixen respostas porque “entendemos que esta oficina ofrece un servizo de gran axuda aos veciños e veciñas; pero tamén aos numerosos visitantes que, sobre todo nesta época estival, fan que a poboación de Viveiro se incremente considerablemente”.

Concretamente, dende o Grupo Municipal Popular viveirense preguntan ao Goberno local “se está operativa a OMIC que ten sede nas dependencias municipais”; e, en caso negativo, preguntan “canto tempo leva sen persoal e a que se debe esta situación”.

Os edís do PP lamentan esta “falta de interese” do Goberno local por manter en funcionamento “servizos xa implantados no noso concello”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive