O delegado territorial, Javier Arias, explica que a Consellería de Vivenda e Planificación de Infraestruturas concedeu 478.000 euros nos últimos anos para habilitar 11 vivendas froito da recuperación de inmobles en varias parroquias
A Pastoriza, 15 de xullo de 2025. A Xunta concedeu 478.000 euros ao Concello da Pastoriza para rehabilitar 11 vivendas de titularidade municipal destinadas a alugueiro social a través das últimas convocatorias de axudas da Consellería de Vivenda e Planificación de Infraestruturas para ese fin.
O delegado territorial de Lugo, Javier Arias, acompañado do alcalde da Pastoriza, Darío Cabaneiro, estivo hoxe no municipio para coñecer os novos proxectos que se acometerán, entre os que figura a mellora da antiga escola que visitou no lugar de Grandela, na parroquia de Reigosa, que conta cunha achega autonómica de 17.200 euros para renovar a cuberta.
Así mesmo, este ano a Xunta destinará 199.000 euros para sumar catro novas vivendas neste concello, resultado da rehabilitación das antigas escolas unitarias das parroquias de Úbeda e Corvelle – dúas na primeira e unha na segunda – e outra en Saldanxe.
Este apoio súmase aos outorgados con cargo aos programas de 2020 e 2022. No primeiro incorporáronse cinco vivendas para alugueiro tras a reforma das antigas escolas de Bretoña, Crecente e Álvare, cunha achega da Xunta de 184.000 euros. En 2022, concedéronse 77.600 euros para rehabilitar dúas vivendas no lugar de Grandela.
Arias apuntou que xa está esgotado o crédito da última convocatoria desta liña de axudas, dotada cun orzamento de 1.850.000 euros. Salientou que nas comarcas da Terra Chá e Meira tamén resultou beneficiario o municipio de Pol, que contará con 45.500 euros para acometer un proxecto en Fraialde.
O delegado destacou que esta medida axuda a ampliar o parque de vivenda pública en Galicia e a asentar poboación nos concellos de menos de 30.000 habitantes, ademais de apostar pola recuperación do patrimonio construído.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
