Burela a 3 de decembro de 2019. Desde CIG-Saúde da Mariña levamos demandandando da Xerencia do Hospital da Mariña que mude a súa política de contratación, que deixe de fomentar a precariedade laboral e aposte por dar a maior estabilidade posible ás e aos profesionais da sanidade pública.
Debido á actual situación crítica de falta de persoal de enfermería nas listas de contratación na Mariña, for unha fuga de profesionais da enfermaría a outros territorios como Asturias, Euskadi etcetera en busca dun futuro laboral mellor, onde asinan contratos de maior duración que garanten estabilidade evitando así a precariedade laboral fomentada pola Dirección de Enfermaría do hospital mariñao (contratos por días, unha quincena ou como moito un mes), convocouse unha asemblea aberta e participativa para o persoal de enfermaría este martes no no centro hospitalario para debater, analizar as causas, e deseñar estratexias para mudar a situación.
O sindicato nacionalista galego lembra que nunha xuntanza coa Xerencia do Hospital da Mariña con data 22 de outubro de 2019, CIG Saúde A Mariña pide que a dirección de enfermaría faga unha reflexión e análise dos motivos do éxodo de profesionais principalmente de enfermaría e fisioterapia a outros territorios.
A Dirección de Enfermaría nega que o motivo sexa por motivos laborais e que se as/os profesionais marchan será por motivos personais.
PRECARIEDADE LABORAL.
A precariedade laboral, explican dende CIG Saúde A Mariña, é a situación en que viven as persoas traballadoras no Hospital da Mariña que, por razóns diversas, sofren procesos que conlevan inseguridade, incerteza, e falta de garantía nas condicións de traballo.
CONSECUENCIAS.
A pesar de ter traballo, as/os profesionais non pode cubrir as necesidades básicas.
O nivel de tensión dispárese. Nestas circunstancias ponse a proba a capacidade de resistencia psicolóxica da persoa implicada. Os expertos/as advirten do perigo de vivir sometido/a niveis elevados de tensións, pero, sobre todo, do perigo de que esta situación perdure no tempo.
“É evidente a relación que existe entre a tensión intensa e duradeira no tempo con problemas diversos de saúde, tanto físicos como mentais, tales como dificultades para durmir, irritabilidad, depresión, dermatite, problemas dixestivos, cardíacos, etc”, explican desde CIG Saúde A Mariña.
SOLUCIÓNS.
Para a central nacionalista para rematar coa precariedade laboral no SERGAS urxe tomar medidas, entre elas:
A defensa dos postos de traballo, a defensa dunhas contratacións dignas, a defensa dunha oferta de emprego co 100% das vacantes reais de todas as categorías.
Eliminación das taxas de reposición acordadas en Madrid polos sindicatos estatais, que impiden que se poida facer unha oferta de emprego público con todas as vacantes, é dicir, unha oferta de máis de 6.000 prazas no SERGAS e para todas as categorías.
A negociación dun plan de estabilidade no emprego de verdade, no que se transformen en prazas vacantes todas as prazas estruturais cubertas, desde fai anos, con contratos eventuais.
Unha nova orde de vínculos para que as persoas sexan contratadas pola causa que motivou o contrato, eliminando así que todo se contrate con acumulacións de tarefas.
Un sistema de identificación de prazas que nos permita saber en cada EOXI os cadros de persoal reais: fixos, interinos, substitutos…
DEBATE ABERTO E PARTICIPATIVO.
Nun debate vivo que comezou ás 14 horas e rematou ás 16,30 horas cun alto nivel de malestar, chegouse ás seguintes conclusións:
– Contratos en precario (por días ou quincenas)
– Falta estrutural de persoal, que provoca unha sobrecarga asistencial e impedindo garantir unha atención sanitaria de calidade.
– Falta de recoñecemento profesional das traballadoras e traballadores por parte da Dirección de Enfermaría, que en condicións precarias, día si e día tamén fan que o sistema se manteña en pé.
SOLUCIÓNS OU DIMISIÓN DA DIRECCIÓN DE ENFERMARÍA.
CIG Saúde pide que a Dirección de Enfermaría escoite e aporte solucións como máxima responsable da grave situación no distrito sanitario, que está a provocar fuga de profesionais de enfermaría a outros territorios e fomentando a precariedade laboral e condicións indignas de traballo entre o colectivo de enfermaría.
Desde la central nacionalista non descartan iniciar mobilizacións para reverter a situación actual e pedir o cese de Isabel Díaz Castro, Directora de Enfermaría do Hospital da Mariña.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.