NOTA DE PRENSA
O voceiro de Medio Rural do Grupo Popular, Roberto Castro, insiste en que a Xunta mantivo unha actitude irresponsable ao minimizar o risco da enfermidade e retrasar a implantación de medidas preventivas
O PPdeG INTERPELA MAÑÁ NO PARLAMENTO AO CONSELLEIRO DE MEDIO RURAL SOBRE O ANDAZO DE LINGUA AZUL E AGARDA QUE DEIXE DE BOTARLLE A CULPA A ASTURIAS
* Insiste en reclamar que a Xunta indemnice aos donos dos animais co 100% do seu valor
* A Xunta dispón de vacinas contra a lingua azul desde o 1 de agosto pero non comezou a aplicalas ata setembro; o PPdeG esixe unha explicación convincente por este retraso
Santiago, 30 de setembro de 2008.- O Grupo Parlamentario Popular interpelará mañá no Pleno do Parlamento ao Conselleiro de Medio Rural sobre a aparición de novos casos de animais afectados pola enfermidade da lingua azul, que xa mantén inmobilizadas varias explotacións gandeiras na Mariña lucense. Roberto Castro, portavoz de Medio Rural do Grupo Popular, agarda que o conselleiro asuma a súa responsabilidade pola neglixente actuación preventiva da Xunta e agarda que deixe de botar “balóns fóra”, como fixo ata o de agora chegando a responsabilizar a Asturias da propagación da enfermidade.
Castro García insiste en que a Xunta mantivo unha actitude irresponsable en relación coa ameaza da lingua azul. Ata tal punto foi así, que un director xeral chegou a afirmar no Parlamento que o mosquito transmisor da enfermidade da lingua azul nunca chegaría Galicia, malia que o PPdeG leva alertando dese risco desde o ano 2005.
Neste escenario, o PPdeG esixe á Xunta –e volverá facelo mañá- que as indemnizacións por morte ou sacrificio de calquera animal afectado por esta enfermidade sexa o equivalente ao 100% do valor real de cada res.
MINIMIZAR O IMPACTO ECONÓMICO
O PPdeG volverá pedir ao conselleiro de Medio Rural que adopte as medidas necesarias para que os servizos veterinarios oficiais comecen xa a realizar, de oficio, analíticas a todos os animais vivos susceptibles de ser sometidos a un traslado en datas próximas.
Evitaríase así, por exemplo, a inmobilización dos becerros que van ser vendidos a cebadeiros situados fóra de Galicia, e que non poderán abandonar a explotación mentres non dispoñan dun certificado que acredite que están libres do virus da lingua azul.
¿POR QUÉ A XUNTA TARDOU MÁIS DUN MES EN EMPEZAR A VACINAR?
O tamén portavoz adxunto do Grupo Popular denuncia que, como xa sucedeu coa vaga de incendios do verán de 2006, e noutros casos, a Xunta reaccionou tarde fronte ao avance da lingua azul. Na restantes Comunidades da Cornixa Cantábrica, a vacinación masiva de animais iniciouse moito antes ca en Galicia e, aínda así, rexístranse animais infectados.
En Galicia, a vacinación non comezou ata este mesmo mes de setembro, a pesar de que dispoñían das vacinas desde o 1 de agosto. A día de hoxe tan só foron vacinados pouco máis de 200.000 animais, o 14,% do 1,4 millóns de reses previstas das cabanas bovina, ovina e caprina de Galicia.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
