NOTA DE PRENSA:
O BNG PIDELLE AO PP QUE SE DEIXE DE AMEAZAS E SE POÑA A TRABALLAR DUNHA VEZ CON SERIEDADE NA DEFENSA DOS INTERESES DOS VECIÑOS.
Lembra que a propia Astunosa xustificou a declaración de insolvencia nas débedas que unha construtora mantiña con ela o que a obrigou a presentar concurso voluntario de acredores.
O goberno municipal debe asumir as consecuencias dun convenio que ate fai pouco defendían e que o BNG criticou con dureza por consideralo opaco e encamiñado unicamente a sufragar a campaña electoral do Partido Popular nas pasadas eleccións municipais. Agora a declaración de insolvencia de Astunosa deixando sen pagar ao concello 1,27 millóns de euros pon en cuestión a validez xurídica do documento, ao non contar con avais bancarios para o seu cobro, senón que os avais son pisos concretos de fases do proxecto que aínda están sen executar polo que o concello nestes momentos non ten nada; das sete fases de construción, só dúas están a medio construír sendo precisamente nas cinco restantes onde se sitúan os 35 pisos presentados como aval pola promotora para responder das cantidades asinadas no convenio.
Ao igual que a sinatura do Convenio no que non participamos, tampouco é responsabilidade nin do BNG nin da Xunta a quebra dun proxecto desmesurado, onde se pretendía a construción de 532 vivendas, que ademais, segundo manifestou a propia Dirección Xeral de Urbanismo no Parlamento, contaba cunha licenza municipal na que se superaba a edificabilidade permitida para os terreos que ocupa en 10.000 m2.
A posición do BNG sempre foi clara.
O BNG sempre criticou o caótico e desmesurado crecemento urbanístico e os escasos beneficios sociais que esta política posta en marcha polo goberno municipal supoñía para os veciños, agora a quebra desta política baseada na especulación inmobiliaria fai que sexan unha vez mais os veciños quen paguen os pratos rotos e deban asumir as perdas dun negocio do que non obtiveron ningún beneficio.
Sempre defendemos que as compensacións pola construción destas vivendas viñan fixadas na lexislación e mediante a súa aplicación deberían fixarse as porcentaxes de cesión de solo para espazos verdes, zonas dotacionais, equipamentos e vivenda protexida que non se produciron xa que o PP optou pola súa monetariacion cos resultados que agora temos sobre a mesa.
Debe ser o PP quen asuma as consecuencias da súa propia xestión.
Non e de recibo que agora o PP trate de lavarse as mans e atribuír a outros o fracaso da súa política, a aposta pola construción de segunda vivenda provocou un crecemento desmesurado do prezo da vivenda que non permitía o acceso a vivenda dos cidadáns do concello e así mentres o parque de vivendas construídas medraba de xeito exponencial, baixaba o censo de residentes empadroados no municipio.
E un feito constatábel que o concello malgastou boa parte do cobrado con cargo ao convenio en obras electorais que non tiñan ningunha urxencia(mais de 500.000 de euros na remodelación do Parque Raiña Sofía), e que deixou as infraestructuras de saneamento e auga previstas sen facer. Tamén e un feito que o concello non atende os seus compromisos de pago con provedores como debería, tampouco o fai cos bufetes de avogados nas numerosas frontes xudiciais que ten abertas, só faltaría que agora abrira un novo.
Cervo, 20 de outubro de 2008.
O Consello Local do BNG.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
