NOTA DE PRENSA
Para o parlamentario mariñán de non incluírse neste acordo a apertura do dique de Alcoa e unha partida semellante á do 2006 para o Corredor da Costa, os nacionalistas quedarían novamente en evidencia
BALSEIRO DI ESTAR “EXPECTANTE” PARA COÑECER COMO INFLUIRÁ NA MARIÑA O PACTO ENTRE BNG E ZAPATERO PARA APOIAR OS ORZAMENTOS DO 2009
A Mariña, 20 de outubro de 2008.- O parlamentario autonómico do Partido Popular, José Manuel Balseiro, dixo hoxe estar “expectante” por coñecer cómo influirá na Mariña de Lugo o contido do acordo acadado a semana pasada polo BNG e o Goberno Zapatero para o apoio dos nacionalistas aos orzamentos estatais do 2009.
Facéndose eco das críticas dos responsables nacionalistas da comarca feitas hai unhas semanas sobre o proxecto de presupostos para o 2009, Balseiro dixo “confiar” en que os negociadores do BNG neste pacto de apoio ao Goberno Zapatero incluíran “polo menos” dous investimentos importantes para os intereses do conxunto dos cidadáns da Mariña “ e que dende o BNG se teñen cansado de vender e reivindicar a bombo e platillo”. Refírese á inclusión dunha partida para o corredor da costa “nunca inferior á que figuraba nos orzamentos do 2006, que eles mesmos dixeron negociar e que aínda estamos esperando a que se invista” lembrou Balseiro.
O outro dos proxectos que en opinión de Balseiro debera incluír o pacto de apoio aos presupostos 2009 entre BNG e Goberno Central é a apertura do dique norte de Alcoa. “Se son consecuentes coas súas manifestacións e movilizacións mediáticas, o lóxico sería que nos orzamentos se incluíra unha partida específica que contemplase a apertura do dique norte de Alcoa ao tráfico xeral” recalcou Balseiro.
Para o parlamentario autonómico e secretario provincial dos populares, de non incluírse “como mínimo” estas dúas reivindicacións” os nacionalistas estarían a poñerse “outra vez” en entredito. “Se non hai ningún tipo de referencia explícita a estas dúas inversións nos orzamentos do Estado do vindeiro ano, o BNG estraría a vender unha vez máis os intereses da Mariña; e quedaría en evidencia que non son de fiar pola súa utilización dun discurso bipolar nas Institucións” dixo Balseiro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
