RIBADEO .- Queixase o concelleiro ribadense de Medio Ambiente “estamos outra vez no cincuenta por cen de impropios ou o que é o mesmo a metade do que se bota neste contedor – o amarelo – non ten que ir a el “e non descarta, si os datos non melloran, “que a Policía Municipal interveña, tal e como se está a facer noutros países, revisando as bolsas no momento no que se depositen de forma aleatoria”. O responsábel local de medio ambiente Horacio Cupeiro espera que melloren.
Nota de Prensa
O CONCELLEIRO DE MEDIO AMBIENTE PIDE IMPLICACIÓN AOS VECIÑOS PARA MELLORAR OS DATOS DA RECOLLIDA SELECTIVA DOS ÚLTIMOS MESES. OS IMPROPIOS CHEGARON ATA O 50%.
Ribadeo, 29 de outubro de 2008. O concelleiro de Medio Ambiente, Horacio Cupeiro, está disgustado <polos resultados do último cuatrimestre relativos á recollida selectiva, ousexa o que deixamos no contedor amarelo>. O edil nacionalista di que <estamos outra vez no 50% de impropios ou o que é o mesmo a metade do que se vota neste contedor non ten que ir a él. É certo que foi no verán e por aquí pasa moita xente, pero os ribadenses temos que dar exemplo de solidaridade co medio ambiente, facendo neste caso unha boa recollida selectiva para estar por debaixo do 30% recomendable>.
Si estes datos non melloran, engade Cupeiro, <no vindeiro trimestre veréime obrigado a que a Policía Municipal interveña, tal e como se está a facer noutros países, revisando as bolsas no momento no que se depositen de forma aleatoria>.
Excrementos dos cans
O edil de Medio Ambiente tamén se queixa <da rebeldía dalgúns veciños á hora de recoller os excrementos dos seus propios cans xa que despois de sacar o bando e de estar facendo campañas falando que non se están a facer as cousas ben, hai uns cantos que continúan facendo caso omiso tanto do bando municipal coma das recomendacións que estamos a facer>. Horacio Cupeiro insiste en que <si esto non cambia verémonos obrigados a involucranos máis desde o Concello para esto sexa unha realidade>.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
