NOTA DE PRENSA
Os deputado popular denuncia atrasos de ata 15 días para obter cita co médico de familia ou para a prescrición de receitas
BALSEIRO LEVARÁ AO PARLAMENTO O COLAPSO NO CENTRO DE SAÚDE DE SAN CIPRIÁN
* A esta situación de prolongadas demoras contribúe o feito de que, nas pasadas datas, entrou en funcionamento un novo servizo centralizado de citas a través do teléfono. O PP ten constancia de que, en moitas ocasións, desde este teléfono, esixen aos veciña chamar máis tarde ou incluso en días posteriores, tempo durante o cal non obteñen a súa cita.
* O parlamentario cervense subliña a profesionalidade do cadro de persoal que traballa neste centro sanitario e insiste na necesidade de que o SERGAS poña os medios axeitados para dar solución a este colapso.
Cervo, 10 de novembro de 2008.- A situación de colapso que se está a producir no Centro de Saúde de San Ciprián será obxecto de debate no Parlamento de Galicia toda vez que o deputado autonómico do PPdeG, José Manuel Balseiro Orol, rexistrou unha iniciativa interesándose polas causas que motivan esta situación, así como polas medidas que teñen previsto adoptarse para corrixila. Segundo os datos que manexa o parlamentario cervense, o centro de atención primaria de San Ciprián acumula atrasos que se teñen prolongado ata en 15 días para obter cita co médico de cabeceira e, incluso para a prescrición de receitas.
Balseiro Orol explica que a esta situación de colapso tamén contribúe o feito de que en pasadas datas entrou en funcionamento o novo servizo de citas telefónicas centralizadas. A partir de agora aquelas persoas que teñan que acudir á consulta do médico de cabeceira, a facerse curas ou a solicitar as súas receitas, teñen que chamar a un número de teléfono dunha oficina centralizada. O deputado popular ten constancia de que moitos veciños non obtiveron a súa cita pese a tela solicitado a través deste medio. “Dende a centraliña telefónica do SERGAS pedíanlles que chamaran máis tarde ou incluso, en días posteriores”.
O deputado popular subliña a gran profesionalidade do persoal que, de xeito habitual, traballa no Centro de Saúde de San Ciprián “pois non son eles os culpables desta situación de colapso, nin moito menos, senón a xestión que desde o SERGAS se está a realizar”. E por iso que “reclamamos que a Consellería de Sanidade, que dirixe a socialista Maria Jose Rubio Vidal, habilite os mecanismos axeitados para dar solución a este colapso”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
