BARREIROS .- O BNG pediralles aos concelleiros de Medio Ambiente e Obras de Barreiros “un exhaustivo informe por parte do servizo de augas indicando cales son os sistemas de depuración que se empregan, cales son as eivas que presenta e con que regularidade ou frecuencia se fan as limpezas dos filtros na potabilizadora”, explica Antonio Veiga, voceiro nacionalista. O edil di que “nós en temas de seguridade e salubridade cremos que hai que ser moi cautos, por iso non queríamos facer unha valoración das condicións nas que sae a auga da traída en Barreiros desde o pasado venres ata que se restablecese a normalidade, pero vendo a lixeireza e irresponsabilidade e a falla de rigor coa que Alfonso Fuente fai declaracións pois vémonos na obriga de intervir”.
Depuradora moi antiga
Veiga Outeiro asegura que “esta situación é algo que se repite cando hai días de moita choiva, pero non é certo que sexan causas de forza maior. Iso sería unha vez, pero si se repiten cada vez que chove moito é que algo falla no sistema de depuración do servizo de augas na potabilizadora de Celeiro. Non se pode dicir que esta auga é apta para o consumo. Eu non sei si ao Sr.Alcalde lle apetece beber ou ducharse nesa auga de cor marrón; iso que llo pregunten aos veciños porque xa sabemos cal será a súa resposta. Polo tanto que non nos trate de parvos”. O concelleiro do BNG en Barreiros engade que “hai un problema de fondo, porque a estación depuradora de augas que está en Celeiro de Mariñaos é do ano 1.978 e dubidamos ou imos poñer en tela de xuízo, á vista de todo o que está a ocorrer, que toda esa maquinaria estea actualizada aos tempos de hoxe e poida depurar unha cantidade de auga moi superior á que se depuraba no 78 ou a mediados dos 90 cando se fixo a reforma da potabilizadora”.
Antonio Veiga quere que “o alcalde pida desculpas ao veciños por non dar nas debidas condicións un servizo polo que todos los veciños que viven aquí todo o ano pagan relixiosamente”. O edil nacionalista considera que “con información, transparencia e datos enriba da mesa a xente poderá estar tranquila. O demais son os clásicos brindes ao sol e agachar a cabeza e tirar para adiante, algo moi propio do PP de Barreiros e non atender aos problemas”.
Convenio da auga
Para Veiga Outeiro “é curioso que nos orzamentos municipais que o BNG votou en contra, un dos motivos era nós entendíamos que o servizo de augas dubidosamente se podía cubrir coa cantidade que se presupostou para o ano 2008 e dá a impresión de que ocorrerá o mesmo no 2009. E despois do que soubemos hai 15 ou 20 días que unha parte moi grande dos promotores non ían poñer a cantidade pactada no convenio da auga, da bastante medo e crea bastante inseguridade na poboación que é o que vai ocorrer coa depuradora e coa distribución da auga en perfectas condicións aos domicilios de Barreiros”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
