NOTA DE PRENSA:
O organismo provincial desoe as reiteradas peticións do Goberno municipal que demandaba a disposición destas medidas para incrementar a seguridade viaria en varios puntos do termo municipal
A DEPUTACIÓN NON INSTALARÁ PASOS DE PEÓNS ELEVADOS E BANDAS RUGOSAS NAS ESTRADAS DA SÚA COMPETENCIA EN CERVO
* O rexedor municipal Alfonso Villares dirixe un novo escrito de resposta á Deputación, recordándolle que ten o deber de ofrecer solucións a estes problemas que se están a dar nas estradas “por ser de titularidade provincial” e urxindo a que o Servizo de Vías e Obras deste organismo remate o estudo que supostamente están elaborando desde fai tres meses
* O Concello de Cervo reclamaba a construción de pasos de peóns elevados nas proximidades do novo Centro de Saúde de San Ciprián e na estrada da capital municipal, entre outros.
Cervo, 04 de novembro de 2008.- A pesares das reiteradas peticións efectuadas por parte do Concello de Cervo para que a Deputación de Lugo proceda á instalación de medidas de protección da seguridade viaria en varios puntos das estradas de titularidade provincial que transcorren polo termo municipal cervense o Delegado de Infraestruturas e Obras da Deputación confirma, a través dun escrito remitido ao Alcalde que non teñen previsto colocar bandas rugosas nin pasos de peóns elevados. Deste xeito o organismo provincial fai oídos xordos ás moitas solicitudes remitidas por escrito polo rexedor Alfonso Villares quen demandaba, con especial urxencia, a construción deste tipo de pasos de peóns na LU 1510 nas proximidades do novo Centro de Saúde de San Ciprián y na rúa Xosé Álvarez da capital municipal.
Na súa resposta a Deputación Provincial xustifica a súa falta de atención as demandas do Goberno municipal en que as bandas rugosas “están prohibidas pola lei” e os pasos de peóns elevados “correspóndense á ordenación do tráfico en zonas urbanas” e non a espazos de titularidade provincial como son estes. É dicir, “como criterio xeral” –afirma o escrito do organismo provincial- “non se van a colocar” ningunha destas medidas. Para o Goberno municipal estas escusas “non son cribles, pois é tanto como dicir que todos os concellos onde existen este tipo de elementos –bandas rugosas e pasos de peóns elevados- están incumprindo a normativa. O organismo provincial si afirma no seu escrito que “se podería reforzar a sinalización existente ou incluso colocar bandas sonoras para aumentar a atención dos condutores”
O Goberno municipal empraza á Deputación a reconsiderar esta “inaceptable” postura e lembra que esta petición non se trata dun capricho senón de ofrecer solucións viables e efectivas naqueles puntos que, pola súa perigosidade, existe un alto risco de producirse accidentes.
RESPOSTA ESCRITA DA DEPUTACIÓN
Para dar resposta á falta de interese da Deputación polo incremento da seguridade viaria nos puntos sinalados con anterioridade, o rexedor municipal, Alfonso Villares, remitiu un novo escrito á entidade provincial recordándolle que ten o deber de dar solución a esta problemática “porque, en primeiro lugar, a lei obriga á Deputación a colaborar cos concellos como o noso tanto técnica coma economicamente e, en segundo lugar, porque debe exercer as competencias que lle atribúe a propia lei nas vías e servizos da súa responsabilidade como son aquelas nas que se pretenden instalar os futuros pasos de peóns elevados.
Ao mesmo tempo, o primeiro edil de Cervo urxe ao Servizo de Vías e Obras da Deputación a que remate o estudo que “parece ser levan elaborando fai máis de tres meses” e que ten por obxecto establecer as áreas susceptibles de sinalizar. En todo caso, desde o Concello de Cervo están seguros que “un simple reforzo da sinalización é unha medida claramente insuficiente para garantir a seguridade viaria destes puntos e iso deberan sabelo, como o sabemos todos”.
RESPONSABILIDADE DA DEPUTACIÓN ANTE UN POSIBLE ACCIDENTE
Ao mesmo tempo emprazan a Lara Mendez e Juan Antonio Estua, concelleiros da oposición local e “ambos os dous, traballadores da Deputación” –cada un deles con distinta responsabilidade- a que apoien a petición do Concello. “Cando teñamos que lamentar un desagradable accidente xa será demasiado tarde e entón, estes señores da Deputación terán que explicar aos veciños a súa falta de atención as nosas reiteradas peticións”
O Goberno municipal lembra que a instalación da pasos de peóns elevados e outras medidas de seguridade viaria teñen o seu sentido “máis cando como é o caso, as nosas peticións veñen avaladas polas reclamacións dos propios veciños destas zonas que están interesados que non queren ver como a falta de actividade da Administración”. O Concello de Cervo está comprometido con esta labor e, nese senso, xestionou a construción de varios pasos de peóns elevados en San Ciprián e outras medidas noutros puntos do termo municipal ademais de reforzar o control do tráfico polos efectivos da Policía Municipal
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
