BARREIROS .- O responsable da Área de Cultura e Deportes da Deputación, o nacionalista Antonio Veiga, acompañado polos representantes da asociación de veciños de San Miguel de Reinante visitaron a escola de San Miguel. Antonio Veiga indicou que “e importante e salientábel que con esta obra de rehabilitación estamos dando continuidade ao ideario e o traballo iniciado fai agora cen anos polos barreirenses da diáspora, polo que queremos que este centro continúe sendo un polo dinamizador das actividades sociais e culturais de San Miguel e a comarca da Mariña”. Veiga comprometeuse coa redacción do proxecto de rehabilitación integral deste singular e magnifico edificio indiano que conlevará unha actuación en varias fases e anualidades.
Nota de Prensa
A ÁREA DE CULTURA DA DEPUTACION DE LUGO COLABORARÁ COA ASOCIACION DE VECIÑOS DE S. MIGUEL DE REINANTE NA RECUPERACION DA ANTIGA ESCOLA DE SAN MIGUEL DE REINANTE
Antonio Veiga visitou a escola de San Miguel xunto con técnicos da Deputación e membros da asociación para cuantificar a inversión necesaria nas obras recuperación do edificio
Antonio Veiga comprometeu un importante investimento da Area de Cultura nestes edificios de cara ao ano 2009
Venres, 12 de decembro. O responsable da Área de Cultura e Deportes da Deputación, o nacionalista Antonio Veiga, acompañado polos representantes da AA.VV de San Miguel de Reinante, Juan Rodríguez Penabade Noela Fernández Soto e o concelleiro Xesús Díaz Blanco, ademais de técnicos da Deputación. Antonio Veiga anunciou que se consignara unha importante partida económica nos orzamentos da Area de Cultura da Deputación para o ano 2009.
Segundo Veiga a Area de Cultura da Deputación considera de gran valor o traballo realizado polos veciños polo que se comprometeu xa coa redacción do proxecto de rehabilitación integral deste singular e magnifico edificio indiano que conlevara unha actuación en varias fases e anualidades. Veiga recalcou que “é moi importante a recuperación do noso patrimonio arquitectónico e histórico pero así mesmo e importante e salientábel que con esta obra de rehabilitación estamos dando continuidade ao ideario e o traballo iniciado fai agora cen anos polos barreirenses da diáspora, polo que queremos que este centro continúe sendo un polo dinamizador das actividades sociais e culturais de San Miguel e a comarca da Mariña”.
2009 ANO DO CENTENARIO DA CONSTITUCIÓN NA HABANA DA ASOCIACIÓN “HIJOS DE SAN MIGUEL Y REINANTE”
A asociación “Hijos de San miguel y Reinante” constituíuse o 23 de agosto de 1908 na Habana e foi fundada por emigrantes de San Miguel e Reinante, no concello de Barreiros, que preocupados pola súa terra levaron adiante actuacións que contribuíron ao progreso da súa vila e comarca, a nivel cultural, educativo, formativo e económico. No caso da asociación da que este ano se cumpre o seu centenario con actuacións tan relevantes como a construción da antiga escola de Reinante cuxas obras comezaron no ano 1910 e remataron en 1925. A AA.VV de San Miguel de Reinante e continuadora do traballo dos barreirenses da diáspora, mantendo con esforzo o edificio e a organización de actividades culturais no mesmo.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
