NOTA DE PRENSA
O GMPP afirma que o Concello tivo que convocar ós sindicatos para asinar actas do proceso de negociación.
Os populares aseguran que a Xunta devolveu parte da documentación.
Pregúntase quen traballa realmente dentro do bigoberno.
O GMPP volveu hoxe a reprocharlle ó alcalde e ó bigoberno burelés o pouco traballo que se está a realizar, porque a documentación que se enviou á Consellería de Presidencia para pechar o proceso de negociación do convenio do persoal foi incompleta, porque faltaban actas de sesions de negociacións sen asinar. Polo tanto, o alcalde tivo que volver a convocar ós representantes das centrais sindicais e dos traballadores para asinar as actas que faltaban.
Para os populares, esto confirma plenamente o que xa dixemos no seu día, que a negociación do convenio se fixo tarde, se fixo mal, e agora acaba como acaba, e mesmo acaba logo de que o pleno aprobara o convenio, o pasado once de Novembro, o que debería provocar que Remedios López se fose para a súa casa, por manifesta incapacidade política, e que o alcalde saise ó lado dela con destino ó país de nunca xamais de Peter Pan.
A ausencia de traballo e de rigor, a falla de interese, e a vanidade destas dúas persoas é tal, que pensan que o concello é o seu feudo personal. E os vecinos de Burela non teñen porqué aguantar semellantes irresponsabilidades. Tampouco teñen porqué aguantalos os traballadores, que vén como se retrasa a publicación do convenio e, polo tanto, a súa entrada en vigor.
A pregunta é mui sinxela: quen traballa realmente no concello de Burela. E a resposta tamén é sinxela: dos políticos, o que é traballar, mui pouquiño ou nada, ainda que algúns non fan ascos cando cobran a fin de mes. O Concello sálvase polos propios traballadores, que son profesionais e saben o que fan.
En Burela, a seis de Decembro de dous mil oito.
O Grupo Municipal Popular de Burela.
O PP lamenta a desgracia do “Rosamar”
Os populares solidarízanse coa tripulación e armadores do barco sinistrado.
O PP de Burela emitiu unha nota de prensa na que lamenta fondamente a desgracia do “Rosamar”, e solidarízase coa tripulación e os seus familiares, así como coa familia propietaria da embarcación.
O PP indica que o longo destes días, a través do seu presidente local, José María González Barcia, tén mantido contactos co armador, así como co patrón maior da confraría, a quen se lles transmitiu a solidaridade dos afiliados e simpatizantes populares de Burela.
Os populares lamentan que unha vez máis o sector mariñeiro en particular e Burela en xeral se tiñan de loito pola tráxica morte de persoas, neste caso procedentes de outros países, que fan que Burela sexa o que é, e que co seu traballo contribúen caladamente a millorar o noso tecido socioeconómico.
En Burela, a seis de Decembro de dous mil oito.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
