A MARIÑA .- A Consellería de Vivenda e Solo, que dirixe a nacionalista Teresa Táboas, adxudicou por 390.272 euros as obras de rehabilitación de dous edificios nos Concello de Ribadeo e Lourenzá, que albergarán vivendas protexidas en aluguer para mozos menores de 35 anos. O investimento para o edificio de Ribadeo ascende a 132.525 euros e ten un prazo de execución de 12 meses. No caso do inmoble de Lourenzá son 257.747 euros e 12 meses de prazo.
Fonte
A Consellería de Vivenda e Solo adxudica por 390.272 euros as obras de rehabilitación de dous edificios en Ribadeo e Lourenzá que albergará vivendas protexidas en aluguer para mozos
O investimento para o edificio de Ribadeo ascende a 132.525 euros e ten un prazo de execución de 12 meses. No caso do inmoble de Lourenzá son 257.747 euros e 12 meses de prazo
A consellería rehabilita outros 9 edificios na provincia de Lugo, nos concellos de Viveiro, Chantada e Lourenzá
Santiago de Compostela, 2 decembro 2008.- A Consellería de Vivenda e Solo, que dirixe Teresa Táboas, adxudicou por 390.272 euros as obras de rehabilitación de dous edificios nos Concello de Ribadeo e Lourenzá, que albergarán vivendas protexidas en aluguer para mozos menores de 35 anos.
En concreto, a consellería inviste 132.525 euros na rehabilitación do inmoble de Ribadeo. A empresa adxudicataria, Construcciones Piornedo, disporá dun prazo de 12 meses para executar estes traballos desde a sinatura da acta de inicio da obra. Este edificio está situado na rúa Antonio Otero nº 33 e conta con planta baixa, un andar e baixo cuberta. Albergará dúas vivendas cunha superficie útil de 57,45 e 54,47 metros cadrados e un dormitorio cada unha. A consellería investiu 132.523 euros na súa adquisición.
Respecto ao inmoble de Lourenzá, as obras de rehabilitación foron adxudicadas á empresa J.R. Naray por un orzamento de 257.747 euros e un prazo de execución de 12 meses desde a sinatura da acta de inicio de obra. Este edificio está situado na rúa Avelino Montero Villegas nº 25 e conta con planta baixa e tres andares. Albergará dúas vivendas cunha superficie útil de 68,40 e 89,75 metros cadrados e dous dormitorios cada unha. Ademais, neste caso a planta baixa albergará un local comercial de 32,35 metros cadrados. A consellería investiu 22.087 euros na adquisición deste inmoble.
Estas vivendas serán adxudicadas en réxime de aluguer a mozos menores de 35 anos cuns ingresos ponderados que non superen 3,5 veces o Indicador Público de Renda de Efectos Múltiples, é dicir 24.500 euros anuais. A Consellería de Vivenda e Solo ten como un dos seus obxectivos crear un parque de vivenda protexida pública suficiente e permanente para por a disposición das rendas con máis dificultades.
Outros 9 edificios na provincia
A Consellería de Vivenda e Solo está a levar a cabo a rehabilitación doutros 9 edificios na provincia de Lugo, que albergarán vivendas protexidas en réxime de aluguer preferentemente para mozos menores de 35 anos. A consellería investiu 1.100.504 euros na adquisición destes 11 edificios na provincia de Lugo.
O pasado mes de febreiro a consellería adxudicou as obras doutros dous edificios tamén en Vilanova de Lourenzá por 140.062 euros e dous inmobles en Chantada por 876.955 euros. En Viveiro a consellería está a rehabilitar outro edificio por un importe de 385.790 euros e en Monforte de Lemos o investimento para a recuperación doutro inmoble que está en obras ascende a 971.657 euros. Outros dous edificios situados en Viveiro e un terceiro en Ribadeo están na actualidade en fase de redacción de proxectos.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
