Nota de Prensa
A única tripulación da aeronave Pesca 2, con base en Celeiro, superou as horas máximas de vóo permitidas e non se dispoñía de persoal alternativo abondo para atender a solicitude urxente formulada polo Hospital da Costa o pasado día 5
A FALTA DE TRIPULACIÓN DE REFORZO IMPIDE O TRASLADO EN HELICÓPTERO DUN ENFERMO GRAVE DESDE O HOSPITAL DE BURELA ATA SANTIAGO DE COMPOSTELA
* Esta situación demostra a “grave irresponsabilidade” do Goberno galego, do PSOE e do BNG, que veñen sostendo reiteradamente que non é necesaria unha nova tripulación de reforzo que substitúa á actual cando ten o tempo de vóo esgotado
* O PPdeG pregúntase cantas vidas poden perderse de ser necesario acometer o rescate dunha embarcación como o Rosamar, fronte a costa norte, mentres o Pesca 2 está no heliporto sen tripulación
* Os populares volven reclamar o cese da conselleira de Pesca por ser incapaz de garantir a operatividade dos medios de emerxencia
Santiago, 8 de xaneiro de 2008.- A falta de tripulación de reforzo imposibilitou o traslado por helicóptero dun enfermo grave desde o Hospital da Costa de Burela (Lugo) ata o Complexo Hospitalario de Santiago Compostela o pasado 5 de xaneiro. O Pesca 2, dependente da Xunta de Galicia, non puido prestar este servizo de transporte aéreo entre ambos centros hospitalarios, tal e como está obrigado a facer segundo o seu contrato de servizo, xa que a única tripulación de voo da que dispoñía este helicóptero superara as horas máximas legalmente permitidas.
Estes datos demostran, en opinión do PPdeG, que o acontecido demostra a grave irresponsabilidade do Goberno galego, do PSOE e do BNG, que veñen sostendo, de xeito reiterado, que non é necesario dotar dunha nova tripulación de reforzo ao helicóptero da Xunta con base en Celeiro, o Pesca 2. Sen embargo, ese reforzamento facilitaría que, unha vez esgotado o tempo máximo de vóo permitido para cada un dos seus tripulantes, estes puideran ser substituídos por novo persoal, garantindo así a total operatividade da aeronave ante calquera requirimento para participar nun servizo de emerxencia.
ESGOTADO O TEMPO MÁXIMO DE VÓO DOS TRIPULANTES
O pasado 5 de xaneiro, contra as 19,00 horas, o helicóptero Pesca 2 efectuou un traslado sanitario desde Burela ata Santiago de Compostela. Tras cumprir este cometido, o persoal que forma parte da tripulación desta aeronave esgotou o tempo máximo permitido para poder voar. A mala fortuna fixo que volvese ser necesario requirir o servizo do helicóptero Pesca 2 para efectuar un novo traslado, neste caso, dunha persoa de Foz, aqueixada por un proceso grave, que aconsellaba ou seu traslado urxente desde o Hospital da Costa ata o CHUS, en Santiago. Tal servizo non puido levarse a cabo, xa que o helicóptero non dispoñía de tripulación de substitución, unha vez esgotado o tempo de vóo regulamentario dos tripulantes habituais. Foi necesario entón realizar o traslado por estrada cunha ambulancia. O percorrido prolongouse durante máis de tres horas, cando podería terse efectuado, de dispoñer do helicóptero operativo, en menos de 60 minutos.
IRRESPONSABILIDADE QUE RAIA A NEGLIXENCIA
O portavoz parlamentario do PPdeG, Manuel Ruiz Rivas, considera que un suceso desta gravidade require dunha explicación inmediata por parte da Administración autonómica, ao tempo que reclama que se adopten as medidas necesarias para evitar que volvan producirse situacións semellantes á denunciada.
O portavoz popular insiste en que a Xunta de Galicia non pode permitir que unha xestión deficiente e neglixente dos recursos poda acabar deixando sen atención as situacións de emerxencia que se producen na Mariña lucense e, de xeito especial, as relacionadas coa protección da saúde e da integridade física das persoas.
CESE DA CONSELLEIRA
Neste contexto, Ruiz Rivas volve reclamar o cese inmediato da conselleira de Pesca e Asuntos Marítimos quen, xunto cos responsables dos PSOE e do BNG, enganaron a aos integrantes do sector pesqueiro que opera na costa norte das provincias de Lugo e da Coruña e a todos os veciños das comarcas da Mariña lucense e de Ortegal. Nas diversas ocasións nas que o PPdeG reclamou unha nova tripulación para a aeronave con base en Celeiro, o Bipartito e os seus socios parlamentarios insistiron en que o cadro de persoal que hoxe traballa co helicóptero Pesca 2 era suficiente para garantir a operatividade da aeronave, “afirmación que xa non só é rotundamente falsa, senón que ademais constitúe unha tomadora de pelo que raia a neglixencia”.
Por iso, o portavoz parlamentario do PPdeG reclama da Xunta unha rectificación inmediata e que asuma o compromiso de dotar dunha nova tripulación de reforzo a esta aeronave, de tal xeito que sexa capaz de garantir a operatividade do servizo ás 24 horas do días os 365 días ao ano e, de ser posible, que o faga a través de gardas con persoal presente na base, que diminúen o tempo de resposta ante calquera incidencia.
¿E SE SE PRESENTA UNHA SITUACIÓN DE PERIGO CO HELICÓPTERO INOPERATIVO?
De feito, o deputado popular alerta que pode producirse unha coincidencia dobremente negativa, como o período de descanso obrigatorio da tripulación do Pesca 2 cunha alerta no mar, como a que tivo lugar hai un mes co naufraxio do Romamar.
Nese caso, a falta de operatividade da aeronave con base en Celeiro frustraría a operación de rescate e retrasaría todo o operativo, co conseguinte risco para as vidas humanas. “Estamos a falar da responsabilidade directa da conselleira de Pesca, Carmen Gallego, que dispón dos medios suficientes pero carece da vontade necesaria para garantir a operatividade dos nosos servizos de emerxencia durante o tempo debido”, agrega o portavoz parlamentario do PPdeG.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
