VIVEIRO .- A conselleira de Vivenda e Solo, Teresa Táboas, presentou á corporación municipal de Viveiro unha proposta para solucionar a situación dos veciños de Celeiriño afectados polo deterioro das súas vivendas. Taboas propón a adquisición de 8 novas vivendas para entregar ás familias afectadas polo deterioro dos seus inmobles e o financiamento das obras de rehabilitación doutras 21 vivendas.
Fonte
A Consellería de Vivenda e Solo presenta unha proposta para solucionar a situación do barrio do Celeiriño
As actuacións consistirán na adquisición de 8 novas vivendas para entregar ás familias afectadas polo deterioro dos seus inmobles, e na financiación das obras de rehabilitación doutras 21 vivendas
Os terreos das 8 vivendas que hai que demoler irán destinados a equipamentos públicos
Táboas explicou á Corporación Municipal de Viveiro as actuacións previstas pola Consellería, que será aprobada polo Consello da Xunta unha vez reciba o visto e prace do Goberno local e das familias afectadas
Viveiro, 13 xaneiro 2009.- A conselleira de Vivenda e Solo, Teresa Táboas, presentou hoxe á corporación municipal de Viveiro a proposta deste Departamento para solucionar a situación dos veciños de Celeiriño afectados polo deterioro das súas vivendas, o que suporá un investimento total de 1.503.2165 euros que xa están reservados con cargo aos orzamentos de 2009.
Táboas explicou que a proposta da Consellería prevé unha resposta para as familias afectadas polo deterioro dunha parte significativa dos edificios do Barrio do Celeiriño. Nese sentido, e en base aos informes remitidos no seu día polo Concello de Viveiro, a proposta da Consellería inclúe unha dobre actuación: por unha banda darlle resposta ás vivendas máis afectadas e que por razóns de seguridade deben ser demolidas.
Neste caso a proposta do Departamento autonómico pasa por subvencionar a adquisición de oito novas vivendas para entregar ás familias propietarias dos oito inmobles que se atopan en estado de total deterioro. O investimento total previsto ascende a 873.216 €, é dicir, 109.152 € para cada vivenda, contía que se corresponde co prezo que ten unha vivenda protexida de prezo xeral no Concello de Viveiro.
O Concello de Viveiro será o responsable de buscar e adquirir estas oito vivendas en colaboración coas familias afectadas e a Consellería abonará o importe ao Concello unha vez que presente os correspondentes compromisos de contrato de compravenda. A cambio os propietarios deben ceder as actuais vivendas ao IGVS, organismo adscrito á Consellería de Vivenda e Solo, co obxectivo de que o Departamento autonómico poda exercer as accións legais que considere oportunas ante a empresa promotora presuntamente responsable do deterioro destas vivendas. Os terreos destas oito vivendas que serán demolidas irán destinados á dotación de equipamentos públicos.
Por outra banda, segundo os informes presentados polo Concello, existe un segundo grupo de 21 vivendas afectadas que precisan obras de rehabilitación. Para este segundo grupo a proposta da Consellería pasa por sufragar os gastos de rehabilitación destes inmobles con axudas de ata 30.000 € por vivenda, o que supón un investimento total previsto de 630.000 €. Neste caso, o Concello deberá emitir un informe acreditativo de que esta é a solución máis acaída para estas vivendas.
A conselleira Teresa Táboas salientou que o seu Departamento estivo traballando nas últimas semanas para buscar a mellor proposta desde o punto de vista xurídico, tendo en conta que se trata de un problema ocasionado por unha empresa privada a uns particulares, e que esta fórmula que hoxe presentou á Corporación municipal xa conta con informe positivo por parte da comisión de secretarios.
Táboas tamén salientou que as actuacións recollidas na proposta da Consellería teñen a declaración de urxencia “ para poder facelas efectivas á maior brevidade”. Neste sentido indicou que pode ser aprobada no Consello da Xunta do vindeiro 22 de xaneiro, unha vez que o Concello explique aos veciños en qué consiste a proposta da Consellería e que se reciba a aprobación tanto do goberno local como das familias.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
