Nota de Prensa
O cabeza de lista do BNG mantivo hoxe un encontro con labregos e gandeiros na cooperativa Os Irmandiños de Ribadeo
FERNANDO BLANCO COMPROMETE O SEU APOIO Á CREACIÓN DUN GRUPO LÁCTEO GALEGO QUE ACOLLA A 5.000 GANDEIROS NA PROVINCIA DE LUGO
Defende o futuro do sector agrogandeiro na provincia de Lugo, que produce o 16% do leite de todo o Estado, e aposta por que sexan os propios gandeiros os que controlen os procesos de transformación e comercialización dos produtos
Ribadeo, 10 de febreiro. O cabeza de lista do BNG pola provincia de Lugo, Fernando Blanco, comprometeu hoxe, diante de labregos e gandeiros, o seu apoio á creación dun Grupo Lácteo Galego na vindeira lexislatura. No transcurso dun encontro na cooperativa Os Irmandiños, no concello de Ribadeo, o candidato nacionalista indicou que “as bases xa están postas” a través do proxecto Ventos Cooperativos, no que participan catro cooperativas galegas: Irmandiños e Icos na provincia de Lugo, Feiraco na Coruña e Colaga en Pontevedra, e que veñen de resultar adxudicatarias do concurso eólico.
Fernando Blanco defendeu que as cooperativas agro-gandeiras entren no negocio do vento no noso país para reinvertir os beneficios que obteñan da produción de enerxía na creación do Grupo Lácteo Galego, e explicou que este proxecto dará acollida de xeito directo só na provincia de Lugo a 3.000 gandeiros, socios das cooperativas Os Irmandiños de Ribadeo e ICOS de Chantada, unha cifra que se podería incrementar ata os 5.000 produtores sumando outras 30 cooperativas de menor tamaño existentes na provincia. “Somos unha potencia na produción de enerxía e unha potencia na produción láctea. Son recursos que temos que aproveitar”, defendeu o cabeza de lista do BNG.
O cabeza de lista do BNG pola provincia de Lugo defendeu que “o sector lácteo galego tén futuro, só hai que poñer en marcha os mecanismos para que poida posicionarse con forza no conxunto do Estado”. Neste sentido, defendeu o modelo das cooperativas como xeradoras de emprego no medio rural. Irmandiños conta nestes momentos con 1.050 socios e dá emprego a 85 traballadores.
Fernando Blanco avogou por que sexan os propios gandeiros os que controlen os procesos de transformación e comercialización dos seus produtos. “Non é lóxico que o leite que producen os nosos gandeiros o envasen e comercialicen empresas de Asturias, Castela León ou Andalucía”, argumentou. Explicou que só na provincia de Lugo prodúcese o 16% do leite de todo o Estado e defendeu que sexan os gandeiros, que son os que producen o leite, os que controlen tamén todo o proceso ata que o produto chega ao consumidor para aproveitarse deste xeito do valor engadido xerado.
Estabilidade nos prezos do leite
Fernando Blanco apostou tamén pola posta en marcha de Contratos Homologados entre produtores e empresas, de xeito que se garanta aos produtores unha estabilidade nos prezos ao longo de todo o ano. O candidato nacionalista eloxiou esta iniciativa levada a cabo pola Consellería de Medio Rural e indicou que “este é o camiño a seguir”.
Referiuse tamén á situación das cotas lácteas e indicou que “Galiza precisa máis cota láctea”. “Os nosos labregos e gandeiros teñen vocación de permanencia e precisan medrar e redimensionar as súas explotacións”, afirmou. Neste sentido, Fernando Blanco defendeu “o dereito de Galiza a producir” e esixiu “que o reparto da cota láctea tanto no Estado como na Unión Europea prime ás zonas con vocación produtora como a provincia de Lugo”.
O cabeza de lista do BNG reclamou, ao mesmo tempo, “que Galiza estea presente en Bruselas nas negociacións sobre a Política Agraria Común nas que se vai a xogar o futuro do agro galego”. “Primeiro obrigaron aos nosos gandeiros a mercar cota láctea para poder seguir producindo e agora non poden desaparecer esas cotas sen máis, sen unha compensación para ese esforzo económico realizado polos nosos gandeiros, que en moitos casos se endebedaron para mercar cota a prezos moi elevados”, afirmou, polo que reclamou “compensacións” do Estado e a Unión Europea para o sector lácteo galego por ese esforzo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
