O BNG critica o alcalde de Alfoz por “asumir como súas obras que foron impulsadas desde a Xunta”

NOTA DE PRENSA

O BNG CRITICA AO ALCALDE POR ASUMIR COMO SÚAS OBRAS QUE FORON IMPULSADAS DESDE A XUNTA. IVÁN MARRUBE DI QUE O REXEDOR DEBE DIMITIR SI NON SE VE CAPACITADO PARA FACER NADA POR ALFOZ.

Alfoz, 27 de febreiro de 2009. Dende o BNG de Alfoz, o seu voceiro, Iván Marrube, critica duramente “a actitude que se está a ter dende a alcaldía, actuando cun total pasotismo ante a defensa dos intereses dos veciños. É moi lamentable ter un alcalde que nos custa tanto diñeiro a todos e que logo eso non repercuta para nada en beneficio dos veciños”.

Os nacionalistas din que “por fin se sacou a careta, resulta que temos un alcalde que lle racalca á oposición en numerosas ocasións que el non é político, que non ten nada que ver coa xestión anterior e resulta que agora lle anda a remitir cartas aos veciños defendéndoa e exercendo un gran acto de cinismo”. Iván Marrube tilda de mentira “os reproches que o alcalde lle está facera o actual goberno da Xunta dicindo que non fixo nada polo medio rural. Ademáis dunha mentira é un grande acto de cinismo xa que o seu partido leva 40 anos gobernando en Alfoz e 16 estivo na Xunta e non foron capaces nin de rematar a concentración parcelaria no concello. Tivo que ser o BNG cando chegou ao Goberno o que a está a rematar”.

Desde o BNG de Alfoz consideran que “o alcalde  de Alfoz debería dimitir si non se ve capacitado el mesmo para facer nada polo concello, e á vista temos os resultados, xa vemos o que fixeron él e o seu partido en moitos anos de gobernos polo concello, nin concentración parcelaria, nin polígono industrial nin plan xeral nin ningún tipo de lexislación sobre o solo. O PP  en Alfoz o que fixo foi un gran acto de inutilidade”.

Iván Marrube engade que “tamén é lamentable que anden intentando enganar aos veciños con mentiras xa que o alcalde en declaracións á prensa asume como súas as obras da concentración parcelaria e logo cando hai problemas acusa a Xunta, cando el mesmo non quixo crear unha comisión de seguimento a instancias do BNG das obras da concentración para intentar solucionar calquera tipo de problema que xurdira. Dixo que era innecesario  aparte de mentir parece non saber que o primeiro e máis directamente defensor dos interese dos veciños debería ser el que para algo é o alcalde e o único no que non falla e á hora de subirse o soldo. Igual de lamentable é que presuma de que Alfoz vai ter por fin o PXOM xa que vergoña lle debería dar que en 40 anos non o desen feito, e leva retrasándoo dende que está na alcaldía, e como todo o que o PP trae para o concello chega tarde”.