NOTA DE PRENSA
o deputado electo do Partido Popular de Galicia comprométese a mediar ante os actuais responsables en funcións da Sanidade galega para que corrixan esta situación que tantos inconvenientes está a provocar
BALSEIRO FAISE ECO DAS QUEIXAS DOS VECIÑOS DE SAN CIPRIÁN DESPOIS DE QUE ESTEAN A SER TRASLADADOS SEN INFORMACIÓN NIN AUTORIZACIÓN PREVIA AO CENTRO DE SAÚDE DE CERVO
* Os pacientes trasladados de xeito forzoso teñen que desprazarse entre cinco e seis quilómetros para acudir á consulta do médico, cando antes podían facelo andando.
* Pese a que o Centro de Saúde de San Ciprián, de recente apertura, dispón dun novo facultativo o SERGAS segue a derivar pacientes.
Cervo, 26 de marzo de 2009.- O deputado electo polo Partido Popular Jose Manuel Balseiro Orol, non comprende como é posible que despois da recente apertura dun novo centro de saúde na localidade de San Ciprián o SERGAS estea a derivar a varios pacientes deste centro ata o hospitalillo situado na capital municipal, en Cervo. Segundo os datos dos que dispón o deputado popular Sanidade está a efectuar estes traslados sen informar previamente aos pacientes e, o que aínda é moito máis grave, sen requirir a autorización previa de ningún deles.
MEDIACIÓN
Balseiro Orol comprométese a manter un contacto cos responsables da Consellería de Sanidade -cos dirixentes socialistas deste departamento autonómico que na actualidade están en funcións- para trasladarlles o malestar e as queixas de moitos veciños desta localidade e para requirirlles que corrixan estas decisións que están a provocar tantos inconvenientes.
Así por exemplo, agora os pacientes trasladados teñen que dispoñer dun coche ou vehículo que lles leve de San Ciprián a Cervo, percorrer entre cinco e seis quilómetros de distancia, para poder acudir a súa cita co médico, cando antes podían facelo simplemente camiñando.
MÁIS MÉDICOS, MÁIS TRASLADOS FORZOSOS
Segundo parece, o SERGAS escúdase para facer estas e outras modificacións do médico de cabeceira -sen permiso nin información previa aos pacientes- na necesidade de reorganizar o servizo despois da chegada dun novo doutor ao Centro de Saúde de San Ciprián. “Dispoñer dun novo facultativo é unha noticia positiva” para o deputado electo do PPdeG pero, “precisamente por este reforzo é aínda menos comprensible o feito de que aos veciños de San Ciprián se lles obrigue a ir ata Cervo para poder pasar consulta ou obter as súas receitas”. Un dato máis para a estes traslados forzosos de pacientes non se daban antes, cando non había centro de saúde novo en San Ciprián e tiñan un doutor menos.
Balseiro insiste en que Sanidade non pode vulnerar o dereito dos pacientes a escoller o seu médico de familia, a elixir a aqueles profesionais que desexen na atención primaria.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
