Nota de Prensa
O BNG PREGUNTA AO GOBERNO MUNICIPAL POLO CUMPRIMENTO DOS PRAZOS NA REDACCION DO PXOM
Os nacionalistas queren saber se o concello conta xa co informe previo que debería entregar a empresa redactora o pasado mes de marzo.
Cervo, 4 de abril de 2009. O BNG presentou unha batería de preguntas dirixida ao alcalde para saber si a empresa redactora do Plan Xeral de Ordenación Municipal entregou o informe previo do PXOM no pasado mes de marzo, tal como estaba acordado nas axudas económicas concedidas pola Consellaría de Ordenación do Territorio.
OS RETRASOS NOS TRAMITES ADMINISTRATIVOS PODEN SUPOÑER A PERDA DAS AXUDAS E ADIAR INDEFINIDAMENTE A APROBACION DO PXOM
A Consellaría de Ordenación do Territorio concedía ao concello de Cervo en abril de 2008, axudas plurianuais por un importe total de 79.697 euros para a redacción do Plan Xeral de Ordenación Municipal, a partir do cal o goberno municipal asinaba contrato coa empresa redactora no que se inclúen as estipulacións sobre prazos para os distintos tramites administrativos a fin de que sexa entregada a documentación no período previsto.
No acordo para a concesión da axuda da Xunta, o concello comprometíase a ter redactados en marzo de 2009 o informe previo, en febreiro de 2010 a aprobación inicial, en abril de 2011 aprobación provisional e en maio de 2012 aprobación definitiva. O BNG descoñece se o informe previo esta xa a disposición do concello e si e así porque non se informou aos grupos da oposición; de no ter ese documento a disposición, queremos coñecer cales son os motivos do retraso e cales son as previsión para a súa entrega, entendendo que o cumprimento dos prazos previstos e fundamental non so polo perigo de perda das axudas concedidas, senón tamén pola necesidade imperiosa que ten o concello de Cervo de dispoñer dun instrumento como e o PXOM que poña luz sobre cal vai ser a futura ordenación territorial do concello, onde van estar as zonas verdes, urbanizabeis, infraestruturas de comunicación ou as zonas de expansión industrial.
O BNG ESIXE AO GOBERNO MUNICIPAL DILIXENCIA E TRANSPARENCIA NA REDACCION DO PXOM
Para o BNG a redacción do PXOM forma parte das prioridades e esixencias que debe afrontar a actual corporación municipal, así estaba comprometido tanto no noso programa electoral como no das outras formacións políticas con presenza institucional en Cervo; o PP por tanto ten a obriga de axilizar e cumprir os prazos previstos de acordo cos compromisos adquiridos tanto cos cidadáns, como coa Xunta de Galiza que dispón unha partida económica para este fin. O BNG agarda unha contestación satisfactoria ás preguntas presentadas e reclamara a maior transparencia posíbel que permita o acceso á documentación existente nos diferentes tramites do procedemento, tanto aos grupos da oposición municipal como aos cidadáns en xeral.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
