BURELA (FNC) .- A Axencia de Desenvolvemento Local e Novas Tecnoloxías do Concello de Burela, da que é responsable o concelleiro de Industria, Comercio e Turismo, José González Legazpi, da conta das disposiciòns publicadas no B.O.E. do 26 e do 30 de Xuño, polas que se establece a convocatoria de subvencións destinadas a buques de pesca para a dotación de equipos de localización e salvamento, así como outra partida que ten coma destinataria á pequena e mediana empresa para plans de igualdade.
Legazpi sinala que “a importancia que representa a seguridade marítima e o traballo no mar determina preferentemente os fundamentos da resolución que recolle as bases que regulan as axudas para o sector pesqueiro no ámbito de dotación de equipos de localización como goniómetros, radiobalizas GPS, chalecos, balizas e outros medios que garantan a seguridade no mar”. Outorgaranse conforme á clase de buques e artes de pesca utilizadas, en base aos baremos dispostos na resolución, podéndose tramitar a través das entidades colaboradoras firmantes do acordo, entre as que se atopa a OPP con sede en San Cibrao, e tamén da FPCP con sede no porto de Burela.
De igual modo e con fundamentación na igualdade efectiva entre homes e mulleres desenvolvese a Orde IGD1738/2009 publicada no BOE do 30 de Xuño, e pola que se regulan subvencións ás empresas de máis de 30 traballadores e menos de 250 conforme establezan os plans de igualdade a desenrolar en distintas fases subvencionables. O prazo de presentación de solicitudes está aberto ata o 30 de Xullo. As entidades ou persoas que se atopen interesadas en coñecer estas medidas poden informarse na propia Axencia de Desenvolvemento Local ou no Concello dentro dos prazos que se determinan nas reseñadas convocatorias.
A axencia de desenvolvemento local de Burela anuncia subvencións destinadas a buques de pesca
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
