BARREIROS .- Hoxe abre as súas portas ao público na praia de A Pasada en Barreiros o Eido Dourado. Trátase da exposición permanente do artista e pintor Celso Dourado que poderá visitarse ata o 30 de setembro de martes a domingo de 12 a 14 horas e de 18 a 22. Os interesados en concertar visitas de grupos poden facelo chamando aos teléfonos: 982 12 44 51 e 982 15 61 21.
Celso Dourado, que se encargou de construir este espazo empregando materiais reciclados, asegura que nunca se puido imaxinar que “a inauguración que fixemos o pasado sábado supuxera o evento que supuxo. Nunca o puidera imaxinar. Quedei abraiado e asustado da repercusión, porque eu que acudo a exposicións de arte, a exposicións de pintura, a eventos de tipo cultural, nunca nunha zona rural ou incluso nas grandes cidades se viu tal volumen de xente acudindo á inauguración dun espazo expositivo”.
O artista sinala que “despois de tantísimos anos autoconstruindo este espazo agora os meus obxectivos son dalo a coñecer ao público en xeral, que sexa un fito onde eu vivo, onde eu traballo e onde normalmente desenrolo a miña actividade. Estou un pouco asustado, porque si a resposta é a mesma que a do día da inauguración realmente non sei como imos facer. Pero esto hai que pasalo, hai que observar e hai que analizar como vai para mellorar en todo o que poidamos”.
Dourado agarda unha boa acollida “os eventos culturais non soen ser masivos, pero penso que teremos que tomar unha serie de medidas como ampliar o número de persoas que estarán ao frente desta historia porque non sei como poderemos organizar esa afluencia de xente, pero trataremos de facelo o mellor que poidamos”.
En Eido Dourado pódese ver desde hoxe a obra pictórica do artista barreirense que se caracteriza polo uso dunha figuración surrealista, na que as mans son as protagonistas, e na que destaca o emprego de técnicas como as pirografías ou as boligrafías.
Celso Dourado dicía o pasado sábado que “o Eido Dourado non é un museo nin o pretende, resposta a un concepto de obra global. É un espazo arquitectónico que da acubillo á creación plástica e xunto cun conxunto paisaxístico completan o abono dunha creación global e absolutamente persoal. O binomio contido-continente encaixa e é obra do mesmo autor”. Dourado fai un balance moi positivo da inauguración celebrada o pasado sábado e na que se deron cita unhas cincocentas persoas “atópome sorprendido e impresionado pola acollida”.
Celso Dourado abre ao público en Barreiros o espazo expositivo “Eido Dourado”
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
