BURELA (FNC) .- A XXV Feira do Bonito e a VII feira Produart, celebradas esta fin de semana no Concello de Burela, acadaron uns resultados moi positivos chegando á venda de 3.500 racións de pexie e á visita de 10.000 persoas, respectivamente. O alcalde de Burela, Alfredo Llano, amosou a súa satisfacción ante o éxito obtido, destacou a calidade e a atención ofrecida ós visitantes e agradeceu a súa colaboración a todas aquelas persoas que traballaron en ambos eventos para que todo saira adiante como se esperaba.
Llano explicou esta mañá que “foi realmente unha fin de semana moi positiva para Burela. Comezamos o día 31 coa apertura da VII edición de Produart e seguimos coa XXV Feira do Bonito que tivo lugar o sábado día 1. Polas dúas feiras circulou moitísima xente, ofreceuse unha calidade extraordinaria e houbo unha boa atención para todo o mundo que se quixo achegar a Burela. Temos contabilizado de momento, xa que nos falta facer o balance final, que se venderon máis de 3.500 racións de bonito e que pasaron por Produart aproximadamente 10.000 persoas. Esto vén indicar que houbo moitísima xente, que houbo moito interese en participar e en ser protagonista destes dous eventos e creo que eso é unha grande nova para todos nós e para Burela porque dalgún xeito creo que saímos todos beneficiados”.
O rexedor sinalou que “en Produart houbo 69 expositores e case todos saíron convencidos de que van volver para o ano que vén. Na Feira do Bonito, aínda que ameazou pola mañá moitísimo a chuvia, realmente foi extraordinario ver como a xente seguía a traballar, tendo a fé que hai que ter nestes casos, para preparar as racións”.
Alfredo Llano engadiu que “todos os voluntarios que participaron nesta nova edición da Feira do Bonito deben recibir o meu agradecemento porque gracias a eles conseguimos quedar moi ben, non a nivel só de Burela senón tamén de Galicia, xa que son dúas feiras que teñen carácter autonómico e incluso nacional e internacional. Noraboa a todos aqueles que contribuiron a que estes dous eventos foran un éxito e dende logo, dicir que aquí estamos para que o ano que vén sigan medrando e teñan os efectos positivos que deben ter na nosa comarca”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
