RIBADEO .- A Rede de Dinamización da Sociedade da Información en colaboración co Concello de Ribadeo anuncia máis actividades de achegamento ás novas tecnoloxías que terán lugar no mes de outubro. Neste mes comezará tamén o horario de inverno do telecentro que será de luns a xoves de 10:30 a 14 e de 16 a 20:30 e os venres de 9 a 15 horas.
Do 5 ao 8 de outubro terá lugar un obradoiro de iniciación á informática de 19 a 20:30 horas e no que ensinará aos usuarios a manexar con certa soltura os obxectos (arquivos, cartafoles, ferramentas…) e funcionalidades básicas que ofrece un computador.
Do 13 ao 19 de outubro se 19 a 20:00 horas desenvolveráse un obradoiro de iniciación a internet no que asistentes serán capaces de empregar, de forma básica, aplicacións e ferramentas fundamentais relacionadas coa rede Internet.
Creación dun blog é o terceiro dos obradoiros que se realizarán no telecentro de Ribadeo durante o vindeiro mes de outubro. Éste terá lugar todos os venres, do 2 ao 23 cos membros da Asociación A Mariña de Ribadeo, en horario de 11 a 12:30 horas.
A programación de outubro complétase cunha charla sobre a solicitude de cita médica por internet. Será o día 21, ás 10 horas na Aula de Dinamización de Ribadeo e consistirá en dar a coñecer como se pode pedir cita ao médico por internet.
O prazo de inscrición para estas actividades remata o 2 de outubro. Para inscribirse ou para solicitar máis información sobre as súas actividades os interesados poden dirixirse ao Centro de Dinamización de Ribadeo, sito na rúa Antonio Otero, 15, 2º andar, ou chamando ao teléfono 982.120 732
ÚLTIMA HORA
- Burela premia ás aulas gañadoras da campaña ‘Eu, a pé ao cole’
- Ás 13.56 horas deste xoves deuse por extinguido o incendio do concello de Xermade, parroquia de Roupar, que afectou finalmente unha superficie de 36 hectáreas, das cales 25 corresponden a monte raso e as 11 restantes a arborado
- A Nocturna San Ramón celebrarase o 22 de agosto
- A área de Rural da Deputación lanza 400.000 euros en axudas para gandería extensiva na nova convocatoria de O que non arde
- Ás 13.56 horas deste xoves deuse por extinguido o incendio do concello de Xermade, parroquia de Roupar, que afectou finalmente unha superficie de 36 hectáreas, das cales 25 corresponden a monte raso e as 11 restantes a arborado
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. - O Cupón Diario da ONCE deixou en Foz un premio de 35.000 euros, nun cupón agraciado con esta cantidade no sorteo do mércores 17 de xuño
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46. - Este sábado, 20 de xuño, celebrarase na Biblioteca Maravilhas, na Escola de Arroxo-Lourenzá, a Festa da Pintura do XX Agasallo a Luís Seoane
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido. - As Festas de San Xoán de Covas celebraranse do 23 ao 26 de xuño cun programa que inclúe a tradicional lumeirada, pasarrúas, misa e procesión, sesións vermú e verbenas coas orquestras Acordes, New York, Salsarena, Capitol e Trébol
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas. - Guille, Sandra e Pita proclamáronse gañadores do VIII Mus na Praia, organizado pola asociación cultural LuMus o pasado sábado en Ribadeo
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”. - A Presidenta da Deputación, Carmela López, asistiu en Burela ao partido do Mundial entre España e Cabo Verde na fan zone impulsada pola institución provincial, unha xornada que reuniu milleiros de persoas con concertos, arte e competicións deportivas, e que incluíu a retransmisión do encontro nunha pantalla xigante na Praza da Mariña
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades. - O Concello de Cervo felicita a Santi González Villares, do club de tiro con arco Iadovi, pola consecución da medalla de prata no Campionato de España de Veteranos +50, celebrado esta fin de semana en Madrid
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
2021 Crónica 3 A Mariña - Implementado por GaliciaDigital