NOTA DE PRENSA
O GPPP considera “discriminatorias” as axudas que concedeu hoxe a Deputación a cinco concellos para pequenas obras
* González Barcia ve a Gato Soengas “baixo de forma e lento no seu traballo” dado que hai xa dous meses que se reuniu a mesa de valoración destes proxectos
Lugo, a 30 de outubro de 2009.- O Grupo provincial do Partido Popular considera “discriminatorias” as axudas que a Xunta de Goberno da Deputación aprobou hoxe para cinco concellos da provincia para pequenas obras, dado que dos cinco só un conta con alcalde popular, o de O Valadouro, e por riba este é o que máis tén que aportar do total do investimento, nada máis e nada menos que o cincuenta por cento, mentres que os concellos beneficiados, os de As Nogais, Begonte, Mondoñedo e A Pastoriza, aportan o trinta por cento.
O voceiro adxunto dos populares, José María González Barcia, asegurou ademais que hai xa dous meses que se reuniu a mesa de valoración correspondente, e que “é inadmisible semellante retraso na aprobación das subvencións”, o que, ó seu entender, demostra que “o Sr. Gato Soengas está baixo de forma e polo tanto é moi lento na tramitación dos asuntos que lle competen, ou ben está extenuado por contaxiarse polo pouco dinámico ritmo de traballo do Presidente”.
Barcia tamén incidiu no retraso xeralizado na concesión das subvencións para colectivos veciñais para pequenas obras e servicios, que se aprobaron hoxe, venres, cando tiñan que estar executadas, segundo as bases aprobadas polo propio Gato Soengas, o pasado día 30 de setembro.
Esta demora, ó entender do voceiro adxunto dos populares na Deputación, “demostra que os socialistas non son de fiar, porque incumplen ata o que deixan escrito e asinado” e causan ademais “un grave perxuizo ás economías dos colectivos veciñais”.
Barcia foi incluso máis aló nas súas críticas e indicou que na Xunta de Goberno de hoxe aprobáronse subvenciósn de este plan correspondentes ós anos 2006 e 2007. “Pero hai casos sangrantes”, dixo Barcia, “de subvencións que levan prácticamente ano e medio con informe favorable do capataz da Deputación e aínda se van aprobar agora e xa veremos cando se pagan”.
González Barcia considera que moitos destes retrasos son únicamente achacables a motivos políticos, dos que en todo caso é responsable o Presidente da Deputación, quen dixo que gobernaría para todos, “aínda que non especificou que se estaba a refeir a todos os que pensaran como el”, apuntillou.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
