SANTIAGO .- A Xunta de Galicia desbloqueará o urbanismo da localidade lucense de Barreiros coa redacción dun Plan Especial, por elo no mes de novembro asinarase un convenio de colaboración entre o alcalde desta localidade e a Consellería de Medio Ambiente, Territorio e Infraestruturas. A actual situación do concello de Barreiros en materia urbanística, fai necesario acometer solucións dende o departamento que dirixe Agustín Hernández para o beneficios dos veciños desta vila da provincia de Lugo.
Nos últimos anos, produciuse neste concello unha intensificación da actividade edificatoria, unida á importante incidencia que supuxo a supresión das Normas Subsidiarias Municipais mediante o Decreto 15/2007 e as imputacións Contencioso-Administrativas contra a práctica totalidade das licenzas de construción concedidas a partir de 2006, o que ocasionou un profundo impacto económico negativo.
Para lograr a superación desta situación, a Consellería de Medio Ambiente elaborará varios procedementos administrativos que poidan lexitimar a transformación material dos ámbitos de solo urbano delimitados nas Normas Subsidiarias suspendidas, a fin de dotalos das redes de servizos urbanos con características e niveis de suficiencia legalmente requiridos. Por todo isto, a Xunta de Galicia levará a cabo determinadas actuacións como a elaboración dun convenio marco técnico-económico de colaboración interadministrativa, no que participarán o concello de Barreiros, a Consellería de Medio Ambiente, ao que se invitará incorporarse á Deputación Provincial de Lugo.
Compromisos das partes
Pola súa banda, o concello de Barreiros comprométese a ter actualizado o convenio de colaboración Concello-empresarios, subscrito o 4 de xullo de 2006, co fin de facer posible a ampliación e mellora das infraestruturas municipais de abastecemento de auga; e determinar as obrigacións dos empresarios intervintes para a financiación destas obras. Tamén garantirán que a execución das infraestruturas de abastecemento de auga e saneamento, rede viaria, suministro de enerxía eléctrico e alumeado público dos núcleos urbanos de Barreiros; e as actas de renuncia dos empresarios a calquera tipo de reclamación de responsabilidade patrimonial.
O Plan Sectorial que se redactará será de incidencia supramunicipal, e desenvolverase mediante 4 proxectos sectoriais, un por cada un dos catro núcleos urbanos existentes, iso si, fóra sempre da franxa de 500 metros medida dende a ribeira mar e, polo tanto, con exclusión do núcleo urbano de San Bartolo.
Así, as tarefas de confección material do Plan e Proxectos Sectoriais, será asumida polo Concello co empresariado que subscribiu ol convenio de xullo de 2006, mentres que a supervisión, tramitación e aprobación corresponderá á Xunta de Galicia, así como a definición dos prazos, características e dimensionado. Como tamén a licitación das obras e a dirección e recepción das mesmas.
Custes
O custe da redacción do Plan e dos catro proxectos, ademais da financiación das obras será conforme ao compromiso de asunción de custes a cargo dos empresarios intervintes. O custe restante da obra urbanizadora proxectada no Plan Sectorial e os seus proxectos de desenvolvemento, asumirana a Xunta de Galicia, o concello e a Deputación.
Segundo os parámetros básicos prefixados no Convenio Marco para garantir un desenvolvemento sostible, axustarase ao disposto no Regulamento sobre Proxectos Sectoriais de incidencia supramunicipal. Establecerá as condicións xerais para o desenvolvemento posterior da urbanización nos catro núcleos urbanos existentes: San Cosme de Barreiros, San Pedro de Benquerenza, San Miguel de Reinante e Reinante.
Así mesmo, desenvolverán o Plan Sectorial, regulando en detalle e co nivel de definición propio dos proxectos de urbanización.
Por último, levarase a cabo a modificación da normativa da ordenación provisional aprobada por Decreto o pasado un de febreiro, xa que é o elemento de peche para facer viable a proposta.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
