RIADEO .- A emisora de radio Onda Cero A Mariña (102.3 FM) segue incorporando novos colaboradores ao faladoiro que ofrece dúas veces á semana (habitualmente os luns e os xoves). Hoxe, luns, debutou como tertuliana de Onda Cero A Mariña a ribadense Mari Paz Ramos, que foi concelleira de Asuntos Sociais no Concello de Ribadeo e actualmente forma parte da executiva local do Partido Popular.
Mari Paz Ramos compartiu faladoiro nos estudos de Onda Cero en Ribadeo con Azucena González e con Manuel Alberto Fraga, dous colaboradores habituais neste espazo de opinión e debate sobre asuntos de carácter local e comarcal.
O faladoiro é un espazo dentro do programa A Mariña na Onda, que dirixe e presenta Beni Mántaras. Emítese de luns a venres de doce e media a dúas da tarde.
ÚLTIMA HORA
- O Concello de Burela levará a aprobación inicial dos Orzamentos de 2026 nun Pleno extraordinario
- Presentado en San Simón, Vilalba, un proxecto para a creación dun centro de transformación do mel
- A Xunta investiu máis de 700.000 euros na mellora das instalacións dos CEIP de Celeiro e Santa Rita, en Viveiro
- O XVIII Campionato Internacional de Baristas e o XIII Campionato Internacional de Catas de Café, que se celebran do 25 ao 27 de febreiro no IES de Foz, foron os protagonistas do programa provincial, Voces de Lugo, de RadioVoz, que se emitiu desde o centro este xoves
- O XVIII Campionato Internacional de Baristas e o XIII Campionato Internacional de Catas de Café, que se celebran do 25 ao 27 de febreiro no IES de Foz, foron os protagonistas do programa provincial, Voces de Lugo, de RadioVoz, que se emitiu desde o centro este xoves
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres. - A Catedral de Mondoñedo activa unha audioguía infantil
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral. - 'O proceso' de Malasombra Teatro, este sábado 28 de febreiro, no Pastor Díaz de Viveiro
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado. - El Oviedo recupera o seu programa cultural cunha proposta gastronómica que homenaxea a Rosalía de Castro e Álvaro Cunqueiro
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa. - Navia reforza o legado de Ramón de Campoamor
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta. - Volven os Guateques de Arruguiñas a Cervo
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar. - O sábado 28 de febreiro, ás 14:30 horas, celebrarase no Centro sociocomunitario de Ribadeo (detrás do Concello) o Día de Rosalía cun xantar de confraternización: o tradicional Caldo de Gloria, organizdo pola A.C. Francisco Lanza
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
2021 Crónica 3 A Mariña - Implementado por GaliciaDigital