A campaña de visibilidade de AciaFozCCA, logrou involucrar a 50 establecementos da localidade e superar o millón de visualizacións en redes sociais, combinando vídeos de 90 segundos con reportaxes escritas que puxeron en valor ás persoas e proxectos que sosteñen o tecido comercial de Foz
Foz, 26 de febreiro, 2026. AciaFozCCA pechou a campaña de visibilidade “Compra Aquí” cun balance moi positivo tras tres meses de difusión, entre novembro e xaneiro, acadando máis dun millón de visualizacións nas redes sociais e consolidando unha estratexia de comunicación centrada no comercio de proximidade.
A campaña combinou a información tradicional escrita con contidos audiovisuais que reforzaron a mensaxe e permitiron incrementar de xeito notable o alcance, a interacción e a participación do público.
En total, 50 establecementos de Foz participaron nesta iniciativa, amosando a diversidade do tecido económico local: tendas de proximidade, comercios especializados, restaurantes, asesorías, clínicas e outros negocios de servizos. Todos eles formaron parte dunha acción pensada para dar visibilidade aos proxectos empresariais e, sobre todo, ás persoas que están detrás.
A campaña articulouse a través de pezas audiovisuais duns 90 segundos de duración, acompañadas de reportaxes individuais escritos, acadando un impacto de máis de 1,3 millóns de visualizacións e un alcance destacado no ámbito dixital. Uns datos que confirman o interese polos contidos de proximidade e polo coñecemento das historias reais do comercio local.
Desde AciaFozCCA salientan que a combinación de contidos escritos e audiovisuais permitiu contextualizar cada proxecto comercial, explicar o seu valor engadido e achegar información útil ao público, contribuíndo a unha comunicación máis completa, rigorosa e adaptada aos novos hábitos de consumo dixital.
O presidente de AciaFozCCA, José Carlos Paleo, valorou moi positivamente os resultados da campaña: «Con ‘Compra Aquí’ demostramos que o comercio local ten moito que contar. A combinación de texto e vídeo permitiunos chegar a moita xente e crear unha conexión real co público».
E engadiu: «Non se trata só de vender, senón de poñer en valor ás persoas que sosteñen a economía local e que apostan cada día por Foz».
Desde a asociación subliñan que iniciativas como “Compra Aquí” contribúen a reforzar a identidade comercial do municipio e abren a porta a novas campañas baseadas nunha comunicación próxima, humana e adaptada aos novos formatos dixitais.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
